BNO-避風塘-min

BNO 最後避風塘機制與中英聯合聲明

又有傳媒報導英國密件,呢件密份我估我唔駛眾籌買,可能遲啲親赴倫敦買其他新嘅更實際。只不過,一如好多英國十分具膠力嘅建議一樣,當香港人係咁批評 BNO 果陣,為咗避免五毛,大家都係睇收費版嘅文,因為技術上嘅嘢,英國好多已經準備好晒。例如 BNO 個最後避風塘機制,都係存在嘅。

BNO 並唔係正常英國護照

依家越嚟越多歷史文件敘明,係北京唔俾BNO有居留權(除咗北京唔想要嘅人,例如印度同巴基斯坦裔人士,或者北京走咗數嘅人,例如南洋華人),唔係英國唔想俾。以英國嘅歷史嚟講, BNO 係古怪護照,因為至今馬來西亞嘅BOC,都係無保證持有人可以進入英國,而如果大家以為發護照有錢賺,呢個係黐線諗法,因為依家RFID護照唔平,特區護照係有共產黨大筆補貼下至咁平。依家全世界簽發護照,都係用收回成本嘅準則定價,一本RFID護照以及背後投資成套系統要幾錢,其實有數得計,如果堅賺錢,就唔會英國本土嘅價錢,同香港都差唔多喇。如果係堅賺錢,點解唔喺香港嘅英國使館學英國本土咁,整個俾夠一倍或兩倍錢就即日同你出護照服務,以香港人果種乜都急嘅性格,你覺得呢盤生意無錢賺,而英國政府又諗唔到,係唔係?

雖然中國都係《維也納條約法條約》簽字國,但世界有好多國家走國際條約數,而且依家國際法庭嘅牙力,仍然係十分之缺乏嘅,所以如果英國要確保中國會信守《中英聯合聲明》,中國唔肯玩明文規定嘅情況下,一定要玩暗招,怡和大班嘅建議,被親共嘅柯利達讚為聰明,其實都有原因,因為中國人同中國政府本身,並唔具備觀察同閱讀一啲政治上暗中安排嘅能力,華人最有呢個能力果個,係已故嘅新加坡建國總理李光耀,至叫得英國人真傳。柯利達爵士係仆街,但佢呢句有佢嘅經驗判斷喺度。

總之 BNO 同《中英聯合聲明》本身,係有好密切嘅關係,英國永遠都有最後底牌,甚至這道底牌,亦可以係BREXIT談判其中一個籌碼同課題,英國解得密嘅文件,都有佢嘅意義,你估中國咩,除咗做黑社會爛仔,乜都唔識。

發表迴響

你的電子郵件位址並不會被公開。 必要欄位標記為 *