澳門差佬膠到無朋友

乜野叫膠到無朋友,澳門差佬今日示範一次俾大家睇。

澳門警察當左自己響伊拉克執勤,試圖用自己枝點三八向天開槍示警,點解示威者固然唔理佢,差佬仲死撐話,只不過係防止有人踩人至開槍。

話口未完,路透社發出的新聞相,即時篤爆官方講大話,當時示威者唔似有人跌倒,話當時附近有個阿婆跌倒,但即時有其他差人扶住,但個差佬開槍果陣,表情異常亢奮,唔知對方係甲狀腺失調,荷爾蒙失調、思覺失調,定係食左忽得,藥力勁得滯忽左。

在任何西方國家,就算對付球迷暴動,如果咁都開槍,唔傷人就寫花file,傷到人就實洗定八月十五坐監都得。好多時,最好連槍都唔亮相,因為警察果些係細槍,如果在場示威者玩到搶槍,你睇下有乜事發生喇。

中東果些向天開槍,一方面好多示威者都有槍,二來又無行人天橋呢樣野,三來果枝係AK-47,俾你有膽都唔敢搶枝AK-47。開槍都唔緊要,睜大眼意圖用膠到無朋友的借口,意圖過骨,咁我唔俾番膠佢地,都對唔住自己喇。

5 thoughts on “澳門差佬膠到無朋友

  1. 自從一二三事件後,澳門巳經半赤化,加上葡萄牙人唔似英國人咁識管理當地人,所以澳門警察ge思維根本唔可以同歐美民主國家d警察比!

  2. 但我有個疑問…
    澳門的黑社會勢力是眾所周知的. 這次跟去年會不會也有黑勢力混在當中搞事?

  3. 1. 兼且澳門的forum好鬼多左仔,真係子彈中落佢地頭上至知死字點寫

    2. 有博彩業員工參與遊行,好難唔捲入地下秩序的喎

  4. 睇新聞果陣既感覺係﹕
    澳門控制得「太好」,連示威都少過人,所以班差人唔識點面對群眾。
    如果香港搞到咁,就算冇人傷,個警察睇怕都實要停職寫報告。

發表迴響

你的電子郵件位址並不會被公開。 必要欄位標記為 *