海航集團-min

仲買HX, UO機票?睇吓 海航集團 點先

彭博引述美國銀行內部郵件報導,因為KYC問題同對 海航集團 債務問題嘅隱憂,美國銀行唔再處理同 海航集團 有關嘅交易,加埋較早前都咁做嘅花旗銀行集團,同埋摩根士丹利,我好懷疑 海航集團 同埋佢旗下子公司,包括香港啲人明知中伏又會買平機票嘅UO同HX,仲能唔能夠妥善經營落去,一旦啲機票變廢紙就好笑。

海航集團 真係經營到落去?

如果純粹 海航集團 債務問題,都未必會影響到UO或HX啲機票,因為只要 海航集團 一日還到債,未構成default嘅情況,啲飛機都唔會on ground,當然,因唔準時找地勤,或燃料數搞到delay呢啲膠嘢,HX係發生過,如果係咁樣搞到delay,呢個風險係有,一定係要搞到claim旅遊保險,只不過,還未至於令到啲機票變成廢紙。只要 海航集團 條credit line仲喺度,銀行戶口仲喺度,基本上,HX同UO嘅機票,仍然可以係正常使用嘅。

但如果係Know your client果part出咗事,就肯定係另一回事。因為KYC出咗事,銀行唔單只要停止所有相關嘅投資交易,更大鑊係要cut credit line,同埋連埋銀行戶口都cut埋,因為一般KYC出事,都係同洗黑錢有關,一旦涉及洗黑錢問題,呢幾年全世界啲銀行都被美國罰到怕,所以係一定會立即縮沙,大家諗吓一旦 海航集團 嘅銀行戶口同Credit Line出事,你覺得你張HX同UO機票好安全?仲要好多 海航集團 嘅貸款,其實係以HX同UO嘅資產擔保,如果係有債務危機,再加上銀行戶口危機,我真係好懷疑,HX同UO啲機票係唔係飛到嘅。大家要記住,航空界好多跨國交易,包括同第二啲國家機場嘅地勤同降落費用,以及越過第二啲國家飛航情報區(FIR),飛越相關領空要俾嘅費用,例如Air Traffic Control嘅費用等等,屆時 海航集團 仲唔事已出。

我仲要提醒一樣嘢,HX UO飛唔到都小事,更大鑊係 海航集團 喺香港近年買咗好多地,如果因乜冬瓜豆腐要急沽相關地皮,會唔會搞到樓價大波動,真係天曉得。

發表迴響

你的電子郵件位址並不會被公開。 必要欄位標記為 *