傳媒-min

香港 傳媒 人,你們有做好你地份工嗎?

壹週刊有可能賣俾黃浩,好多 傳媒 人感到好似好傷痛,其實呢啲有骨氣 傳媒 逐個失守嘅事,我過去廿年遇過太多,由明報、信報、商台都遇過,雖然我唔係壹週刊嘅人,但我喺香港嘅評論生涯其中一個起點係香港蘋果日報,我喺蘋果日報都寫咗廿二年(你無睇錯,廿二年)。呢啲事大家遇得太多,但除咗傷春悲秋,唔通係無其他辦法嘅?

自媒體 新媒體 海外發展

大家留意到,我雖然仲有喺主流傳媒有地盤,但其實我係一個自媒體人,到依家都仲係,因為我十分之清楚,喺呢個年代,當你可以擁有自己嘅Publisher果陣,雖然Google同Facebook兩個distributor提供嘅收入係唔夠理想嘅,但至少,無人可以買我呢個媒體返嚟,因為我係擁有人。好多記者,係好似無咗大報館,大傳媒會死嘅一樣,其實中共係咁買大傳媒,係咁搞一啲流氓媒體,仍然無法喺香港輿論市場佔上風。評論人或記者如果係堅守陣地,其實係可以自己棟枝旗,呢個係我最初鼓吹網台出現嘅理念,亦係我自己一個人經營呢度嘅原因,雖然我都怕得我一條友,有朝一日會burnout。

另一方面,新時代嘅接收資訊習慣不斷轉變,唔好話周刊呢種format out晒,係網上傳媒嘅內容格式,以至傳送方式嘅包裝方式,都未符合新時代。例如咁多人對中國語文反感果陣,其實係有需要用香港語文寫嘢,但好可惜,無乜人會認真諗過,係連寫嘢嘅文字format都要變埋,成棚記者仲係覺得用課本教所謂語體文寫嘢至叫正式,我真係想講,你班友有時候失業,除咗係因為中共做你世界,有時候,都係你班友自己攞嚟。

當然,我成日相信,狡兔三窟,所以海外發展都係重要,我一直都係保持一定嘅海外市場曝光,因為你唔能夠擔保黎智英可以一條友頂得幾耐,特別中共特別招呼佢,由土共到果啲扮激進嘅熱普城,我都未計壹傳媒內部可能有嘅內奸,你話唔發展海外點掂,只不過,香港人普遍視野狹窄,否則點會有港豬之名,如果香港人眼光闊啲,就唔會俾熱普城以及土共果啲不實資訊有機可乘。

路係自己行,靠撤退同哭泣都唔會打贏戰爭。

發表迴響

你的電子郵件位址並不會被公開。 必要欄位標記為 *