技安-min

點解習近平唔可以叫做 技安

最近中國網絡封鎖已經去到瘋狂程度,習近平被人話係小熊維尼,竟然被封之後,咁大家攞《叮噹》形狀近似嘅 技安 嚟作習近平嘅代號,都唔俾。呢件事,完全將中國嘅醜惡形象,推到一個新嘅高峰。

五毛抹黑就得,網民俾花名做 技安 就唔得

呢種政策,其實係典型中國式只准州官放火,不准百姓點燈嘅行為,當周融、劉迺強旗下啲五毛,抹黑黃之鋒係河童(雖然黃之鋒個profile picture都會攞河童嚟自嘲),又搞燒你數簿專頁誹謗民主派中人果陣,甚至我遇上熱普城相關人物嘅「熱情招待」,包括搞咗兩個抹黑專頁果陣。本來將習近平叫做小熊維尼,都已經有擦鞋之嫌,因為小熊維尼好鬼可愛,如果有人被人叫小熊維尼,你就執到啦。我有時都會將自己變咗隻ICOCA,係唔係?

其實習近平被人叫 技安 ,某程度上係敬酒唔飲飲罰酒嘅回應,因為本來小熊維尼係對習近平有正面作用,依家用 技安 ,技安 大家都知,喺《叮噹》裡面,經常欺負大雄,唱歌極為難聽,但又要迫啲同學去聽,如果習近平同 技安 拉上關係,都反映出連中國網民都有所不滿,只不過,依家習近平已經唔care自己變希特拉,咁樣咁殘暴對劉曉波都得,點解要俾你地叫佢做 技安 至得,簡單嚟講,習近平已經只係想好似希特拉咁展示「共黨領袖」形象嘅獨夫,所以唔准用Whatsapp,唔准叫佢小熊維尼,唔准叫佢做 技安 簡直係意料中事喇。

面對呢種搬龍門嘅政權,同埋佢啲走狗,根本完全唔駛客氣,所以好似燒你數簿系嘅五毛專頁,甚至唔少發布誹謗抹黑言論嘅五毛戶口,以及熱普城中人,根本唔駛客氣,可以照block and report,你對住一班唔尊重言論自由嘅人同佢講言論自由,你同《中山狼傳》嘅東郭先生有乜分別?我並唔認為浪費時間喺呢啲執行柯打嘅人有任何用處。

當然,有啲人仲認為香港人可以被游說,我對香港人,除咗果啲熱普城邪教信眾,以及土共五毛,我仲會講吓道理,中國人我就費時,翻咗牆後仲要做政權走狗果啲中國人,我係完全無興趣同佢地有任何對話,我並無責任再拯救中國。

發表迴響

你的電子郵件位址並不會被公開。 必要欄位標記為 *