SYMBIZ-min

SYMBIZ : 香港語文喺德國

德國喺華人社會嚟講,係一個好冷門嘅移民國家,因為大部分華人都係會揀咗英語系國家先,歐陸法國、荷蘭(荷蘭又係英文通行)仲叫多啲華人,德國喺香港呢個地方係冷門移民國家,但近年德國同香港嘅關係好似變得好快咁,甚至變到係,不單領事館大規模抽香港事務水,甚至喺柏林出現用香港語文嘅Rap組合: SYMBIZ

SYMBIZ 係異於尋常

香港語文好少喺海外作為潮流文化落地生根,even喺另外三個香港語文通行城市,包括美國三藩市、加拿大溫哥華以及馬來西亞嘅吉隆坡,大部分香港語文嘅文化產品,都係香港生產番,然後出口去世界各地。就算香港嘅前宗主國英國,都唔見得有香港語文嘅文化產品,只有北愛因為根本香港人喺當地有緩衝作用,香港語文至喺當地視作國家語言,但都無流行文化產品。就算有,精緻程度,都好難同香港自己出產嘅競爭。

所以呢次 SYMBIZ 話玩Broken Chinese嘅香港語文Rap係好令人驚異,原本中國嘅算盤係,只要將TVB等赤化,陰乾HKTV、壹傳媒等等香港本土文化產品,就可以壟斷香港語文文化產品嘅話語權,跟住可以跟手消滅香港文化,但依家好明顯出現另一種情況,就係德國會出產香港語文嘅流行文化產品,市場同時銜接西方主流市場(包括德國本身),以及可以由互聯網,以及在德香港人嘅力量,射番返嚟香港,換言之,英國最多喺教育,護照以及金融市場度維持對香港影響力,但德國係玩另一路,不單吸納香港人(你睇德國駐港使館今年DSE幾積極),而且會出現香港文化產品輸出返嚟香港,如果有德國呢個另類基地,共產黨當初買TVB等嘅算盤,就完全唔會打得響,只要持續有講香港語文嘅人,可以走去德國就得。

而且大家要留意一樣嘢,德國人係講PRO,換言之,德國出品嘅香港語文文化產品,可以喺質量上擊敗近年因中共影響嘅粗製濫造,你睇以下MTV就明,德國佬剪得好靚,已經一嘢KO晒香港啲唱片公司,更加唔好講TVB呢班垃圾。

只要海外仍然有基地,香港語文就唔會死。都係果句,海外嘅,都係少睇啲TVB,自家產製都係重要。

發表迴響

你的電子郵件位址並不會被公開。 必要欄位標記為 *