新土地法-2-min

當議會只有土共會點:睇澳門 新土地法

熱普城班友,一直好鼓吹總辭,雖然我未見鄭松泰宣布辭職,固然老點人好易,叫人做堅嘢好難。熱普城啲支持者account好古怪,好奇怪咁好多澳門人,咁我不如用一個我近排研究緊嘅澳門課題,去證明如果無有效反對派坐喺度嘅議會,可以搞啲幾災難嘅嘢出嚟,屆時真係唔慌唔焦土。呢個課題,就係 新土地法 。

新土地法 可以有幾膠

新土地法 基本上係一條用嚟打地產土豪嘅法律,就係一個地產項目廿五年唔完成,就政府有權收番塊地。呢個立法,係澳門班土共大力推動,睇落好正咁,唔會有人囤到地,大家以為呢個立法迫地產商快啲完成項目,咁咪多啲單位供應,咁樓價就會跌囉。澳門土共由於自1966年123事件已經掌咗權,基本上,澳門政府阻唔到呢啲膠法推出嚟,當地民主派仲要懵盛盛,覺得呢啲膠law係無問題,咁好喇,依家條law推咗出嚟,變成咗澳門法律嘅一部分。

如果澳門好似歐盟國家咁,公務員做嘢太慢都會被人告上法院,或者犯法嘅,有呢個配套都還好。但依家澳門係乜世界,就係發展商有時限,但政府批文件唔撚駛有時限,結果咪係政府合法沒收你啲錢咁。好彩澳門嘅《澳門民法典》仲係以《葡萄牙民法典》為本,基本上,攞住《葡萄牙民法典》上去法院打都可能有得打吓,因為《葡萄牙民法典》講明要保護善意第三者,而攞人私產亦要合情合理,只不過,見到呢啲咁嘅土地法律,你俾我都唔會蠢到去炒澳門地皮喇,你話係唔係。好多港豬以為土共玩晒無問題,如果立咗啲膠法,變相沒收你財產,見到見財化水,你屆時至後悔,你就堅係太遲了。

唔好以為中國唔會借土共之手推啲膠法出嚟,大家都知乜嘢支爆,好似樂視咁爆嘅企業,只會陸續有嚟,當中國無錢果陣,一定要巧立名目,合法搶香港人嘅錢,而用基建撥款都嫌太慢,依家都反正當《中英聯合聲明》係歷史文件,更多方便中國搶錢嘅法律陸續有嚟,搶到你身家果陣至後悔?BNO又無攞,又無外國護照,留喺香港做乜?咪做羊牯慢慢被人劏到底,咪咁簡單。

依家因DQ6而食花生嘅人,第日保證後悔,澳門有辦你睇。

發表迴響

你的電子郵件位址並不會被公開。 必要欄位標記為 *