蒸魚安-min

星期日休息:移民莫做 蒸魚安

蒸魚安 呢件膠人,相信好多人都知佢個名嘅來源,喺英國讀書仲要堅持食中餐,跟住就話英國物價貴,結果被林忌以至唔少人嘅恥笑。自此, 蒸魚安 成為一啲唔肯適應海外生活典型中國膠嘅代號。近排,有唔少人都問我移民嘅嘢,包括BNO或BC行使居歐權嘅事,我喺實務技術文章以外,我有必要喺呢個人人都被劉曉波同DQ事件,搞到人心惶惶嘅時候,講清楚一啲行為適應問題。

蒸魚安 根本無去認識果個社會

好多香港人同 蒸魚安 一樣,無錯係移民當地,只不過有一個好大問題,就係根本無去了解同擁抱當地嘅菜式同食材,首先,唔係事必要食粵菜,如果你食番當地食物,其實歐洲生活指數自己煮嘅話,係好平嘅,例如香港啲沙律菜,好啲嘅,無三四十蚊港紙唔駛落樓,喺德國,你買沙律菜係無可能要用成四歐羅,我己經講緊係德國,好多時,沙律菜,新鮮嘅,兩蚊歐羅食到你傻都得。唔好諗住食東方嘅食材,因為西方菜式嘅整法,係同當地嘅食材以至食物生產模式有關。好似麵包,香港啲麵包真係同食風差唔多,唔會飽,但喺德國,你喺麵包店買一個包,夠你飽足成餐,因為香港啲麵包整法根本唔知係邊個星球搞出嚟。如果你係認識果個社會,根本唔多可能仲要堅持帶電飯煲過當地,或者亂咁指控當地食材貴嘅問題。

就算你堅持要食蒸魚,唔同地方,有唔同嘅魚可以食,我講以德國嚟講,你買三文魚或龍脷柳果啲魚,喺超級市場買,兩三歐羅成條,你想點蒸或焗都得,當地嘅魚係新鮮嘅,點解唔用當地嘅魚嚟蒸先?當講到呢度果陣,你只會懷疑 蒸魚安 呢條友,除咗大學,以及唐人街,有無行過當地超級市場,仲要 蒸魚安 住果個唔係德國,係叫英國,佢識英文㗎,TESCO、Waitrose、M&S、Sainsbury幾間都入晒嚟香港,甚至日日用緊呢啲公司嘅嘢喇,對香港人嚟講,英國嘅超級市場其實係好熟悉,喺德國都仲可能要搞清楚Rossmann同DM(兩間都係賣日常用品,德國啲藥,唔該去Apotheke買,即係有藥劑師駐守嘅藥房,大大個A字logo,有華人話DM同Rossmann叫藥妝店,我幾乎想噴飯),以及REWE、Kaiser呢幾間嘅分別啫,喺英國,你無理由唔知邊間打邊間喇,係嘛。所以 蒸魚安 被人強烈恥笑到依家,好大程度上,同佢花少少時間去英國都懶有關,呢啲人仲自稱本土派喎,本土派個朵唔搞臭就奇,所以點解好多對歐陸有啲認識嘅本土派,都鄙視熱普城,唔只鄙視熱普城果幾個領頭政棍,而係成個熱普城嘅mindset都充斥住中國式嘅酸臭味,你信呢啲人會搞到港中分家,甚至振興香港文化,咪發夢喇。

無錯,依家咁嘅形勢,好快會有另一波大規模移民潮,再加上BREXIT可能隨即引發BNO身份轉變,應該好多人會移民海外。但移民海外,無論移民果陣,定移民到當地後,你都要去認識當地社會,將自己嘅生活方式同當地融合,呢個至會令香港人成功同果班搞臭亞洲人個朵嘅中國人分開,中國人果種拒絕融合其他國家文化嘅思維,正正係香港人必須批判,上世紀啲中坑喺溫哥華幾乎搞臭晒香港人個朵,呢件事大家仲想重複多一次,亦無謂重複多一次喇,係咪。

我好少講陳義過高嘅國際關係,一係講軍事戰略(咁係我個人興趣嚟),一係不如踏踏實實去講吓日常生活,因為你了解一個國家啲人嘅生活方式,以及政治,你至可能評估唔同國家啲人嘅政治反應,當你知道一個地方嘅文化果陣,就唔會有咁多華人果隻想當然耳嘅政治分析,共產黨尤其鍾意用呢啲想當然耳嘅分析昆人,嚇人,成日話有人當華人係二等公民,或者排華,如果唔係你班中國人近年搞臭晒亞洲人個朵,我睇唔到越嚟越講多元嘅西方會對東方人反感,相反,依家回教國家果啲友仔拒絕融合嘅表現,更令西方世界恐慌,東方人相對有錢同願意融合,又唔涉及恐怖襲擊,未成首號大患。但如果啲「海外華人」繼續公然支持共產黨,以及喺當地中文報紙度支持共產黨,我諗我都可能會支持西方國家,諗辦法驅逐呢啲其實同DAESH差唔多嘅持中華人民共和國護照,或持中華民國護照但走去支持中華人民共和國嘅仆街。

發表迴響

你的電子郵件位址並不會被公開。 必要欄位標記為 *