劉曉波-劉曉光-min

中國處理 劉曉波 遺體手法當咗處理劉少奇遺體嘅手法

中國共產黨果然堅搞國家社會主義,將 劉曉波 條屍極速火化,然後搵 劉曉波 果位極為親共哥哥劉曉光代表晒家屬(點都係劉霞去處理喇),再極速灑向大海,仲要多謝黨。呢啲手法,香港人或者西方國家嘅人,或者未必知乜事,但如果係讀中共黨史,中共處理 劉曉波 嘅規格,對毛澤東對付劉少奇嘅規格嚟。

劉曉波 遭遇同劉少奇一樣

中國1966年鬥死國家主席劉少奇,嘅手法都係好似中共對付 劉曉波 嘅手法,當中包括咗:

  1. 囚禁期間遇虐待
  2. 得唔到應有醫治,本來有得救都變無得救
  3. 死後冒用家人名義進行火化
  4. 死後極速處理遺體,唔知葬咗喺邊度

簡單嚟講,呢啲就係極其殘忍嘅文革手法,所以有啲人話將納粹黨同中共類比,係侮辱咗納粹黨,唔係完全無依據,雖然喺我眼中,講人渣,納粹黨同中共真係沒有誰比誰高尚,都係半斤八兩。而 劉曉波 攞到諾貝爾和平獎,加上對中國人嘅批判極其到肉,有啲人可能認為,西方要中國善待 劉曉波 ,佢地偏唔依,所以用咗比金正恩仲人渣一百倍嘅手法,去處理 劉曉波 嘅生後事。

但我想講,本來文革啲仆街嘢,西方社會,只係學術界至知得多,一如猶太大滅絕發生期間,西方都係所知唔多,係去到盟軍開始解放集中營,至發現原來希特拉邪惡到呢個程度。依家西方社會真係領略到,中國人果種一直無變嘅邪惡本性,其實自義和拳亂至今都係無改過,無變過。中國或者以為咁樣處理 劉曉波 遺體好威,但事實上,只會進一步激嬲西方社會,甚至令唔少香港人,我指年青一輩,更加有決心同中國分道揚鑣。所以話 劉曉波 單嘢唔關香港事果啲假本土派,大家必須提防,呢啲友仔隨時係張翠容啲同黨嚟。

依家當前急務,一定係救咗劉霞先,我恐怕劉霞唔係被中共迫到自殺,就係中共啲人渣搞到佢被自殺,或者受到進一步虐待,大家睇到中國對付 劉曉波 嘅規格同劉少奇一樣果陣,呢啲堅係文革再臨,你唔心寒就怪。所以短期戰術目標,好明顯係施壓放劉霞。但長期嚟講,我會勸香港人進行鄧寇克大撤退,因為文革再臨之下,人民同政府係共同黐線,呢啲狀況係要等全球聯軍收拾殘局至搞得掂。

發表迴響

你的電子郵件位址並不會被公開。 必要欄位標記為 *