黃毓民-病毒-min

黃毓民 以及熱普城呢種病毒

雖然 黃毓民 嘅總辭論,基本上,除咗果啲假account嘅嘍囉出嚟撐,因為出嚟打柒呢啲膠論夠快(簡單嚟講,反熱普城啲膠論必須有足球打後防同龍門嘅意識,清波要快),但呢班人渣嘅問題,仍然係要再具體同深入指出嚟,以免遺禍人間。

黃毓民 啲主張一味扮型,毫無實際戰略意義

我提出一項戰略或戰術主張果陣,好多人以為我on9,甚至睇落唔係好型,只不過,我一般係有戰略同戰術根據,好似佔領期間用嘅標準個人防禦工事,工程用嘅帽再加眼罩,係有歐洲嘅實戰依據,而且香港係買得到,如果唔係個人防禦齊全,邊可能打到79日僵持戰,2014年嘅佔領運動本質就係戰壕戰嚟。跟住,BNO撤退方案,係唔係work,依家唔駛再引陶傑篇文,有啲嘢,實證有公論。任何主張,可唔可行,有乜戰略目標,有乜戰術目標,係一個政治人應該考慮嘅問題,而唔係睇型唔型,而且唔顧後果。

但 黃毓民 甚至熱普城啲狗屎垃圾理論有乜特色,就係一味扮型,而且唔完全無實戰用途。好似總辭咁,新加坡反對派全被KO果單嘢仲膠唔夠?你覺得香港人比新加坡人更加接受到總辭?而總辭嘅政治後果點處理?呢班友完全係no plan,同UKIP果件人渣Nigel Farage一樣咁仆街。仲要熱普城呢班友成日開口埋口鬧人港豬,你覺得一班港豬會為總辭而感動,真係有啲嘢,令人失笑。

好似個人防禦工事,拆喼當盾牌用,我呢排研究過,真係最無成本效益嘅防禦工事之一,如果買啲cheap喼,又貴又未必抵禦到警察嘅警棍攻擊,仲要重,一個XL Size硬喼閒閒地兩三公斤,你攞住成公斤盾牌擋差佬,你體力好掂?你係羅馬兵?如果用貴果啲喼,例如用德國拜耳Makrolon,係可以夠輕夠防禦,只不過個喼貴到hihi,閒閒地過千,你會拆一個過千銀嘅喼當盾牌用。一味扮型,毫無實際戰略同戰術思維,就係熱普城嘅特色,總辭論都係呢個特色。

熱普城拗唔過你,就鬧我係黃世柒,唔爭在幾時我會喺街頭遇襲,所以我呢排唔會入尖沙咀。所以仲信 黃毓民 啲垃圾理論果啲人,我真心認為佢地判斷力有問題。

發表迴響

你的電子郵件位址並不會被公開。 必要欄位標記為 *