DQ

DQ MP 香港人應該如何處理

DQ 四位MP嘅判決終於出咗,就係四位泛民議員全部輸晒。呢件事令人憤怒,當然泛民嘅戰略錯誤亦要負上責任,如果當初喺游蕙禎同梁頌恆MP DQ 案中,泛民肯同獨派同一口徑作戰,依家政府未必敢咁狼,中共呢種欺善怕惡我好明嘅。但依家都出現四個人DQ嘅結果,都係要善後。

DQ MP應該宣布獨立或請英國人返嚟

短期方案,泛民支持者應該捐錢支持梁頌恆同游蕙禎MP DQ案上訴終院,因為依家佢地兩個贏,至會儘快令四位MP攞番議席,依家社民連嘅吳文遠至話DQ 6,唔係DQ 4,真係遲得好緊要,只不過遲搬龍門,好過執迷不悟唔搬龍門,但我對香港嘅法官仲有幾多道德勇氣捍衛法治表示極度懷疑。喺中國納粹化情況下,有幾多法官可以頂住,我睇怕香港脫離中國統治後,都需要一個Judge trial。

除咗法院外,其實依家四位DQ MP,應該考慮一下香港獨立或歸英嘅方案,劉曉波嘅死講明一樣嘢,就係中國已經係納粹中國,只有香港人主動請求外國介入,仲要係香港主權與中國分離嘅介入,至可能逃出生天,至於民主中國,好可能係中國喺文明國家佔領下,透過類似紐倫堡審判,或日本和平憲法嘅方式去實現,依家香港人仲講乜嘢建設民主中國,係比港獨更加唔可能同天方夜譚,因為你唔可能寄望於懦弱、庸俗而自以為是嘅中國人民。

依家四位MP可以考慮,一係學游蕙禎MP嘅做法,以《中英聯合聲明》違反為理由,去信英國國會,要求英國重新取得香港主權,並且喺英國監督之下,再進行自決,可以用羅德西亞方案,呢個同自決派主張未必有衝突。

另一個方案,就係反正中國已經撕毀條約,就用1918年愛爾蘭南部House of Commons嘅MP嘅做法,宣布成立自己嘅國會,即係香港獨立,睇中國政府點處理。愛爾蘭南部House of Commons嘅MP做賭撚,唔攞議席,自稱TD,呢個係今日愛爾蘭共和國嘅基礎,係真正嘅自決,依家中共都唔要面,點解仲要執迷香港係中國一部分。長毛我對佢無期望,但劉小麗、羅冠聰、姚松炎,應該有呢個勇氣。

香港人應該真係要準備唔同方式嘅鬥爭,係真正嘅鬥爭。

發表迴響

你的電子郵件位址並不會被公開。 必要欄位標記為 *