一個德國人的故事-min

由 一個德國人的故事 到劉曉波死後嘅東亞

Sebastian Haffner (原名Raimund Pretzel,但為咗避免佢流亡英國期間累及家人,改咗個筆名) 寫嘅 一個德國人的故事 ,我一直認為係當代香港人必讀嘅一本書。香港人成日開口埋口搵食啫,特別果啲中老年人,就俾藉口自己對不公不義嘅事不聞不問。如今中國變成納粹中國,大家亦可以由納粹德國嘅崛起,可以睇到納粹中國嘅崛起同下場。

納粹崛起,人人有責

無錯,希特拉唔係民主選出嚟,但希特拉崛起唔係當時德國國民嘅責任, 一個德國人的故事 呢本書話俾大家聽唔係,因為一次大戰失敗後嘅德國人果種集體瘋狂狀態,最終係令希特拉政權穩固,而當時嘅 Sebastian Haffner 作為一個法律系畢業生,又係純正嘅雅利安人,佢應該喺納粹德國之下生活得好好,但佢已經睇到一個大災難嚟緊,所以佢帶埋佢嘅猶太血統未婚妻,喺唔識英文(無錯唔識英文,佢用極短時間掌握英文),無親友支援、無錢,無工作情況下1939年流亡英國,佢迅速掌握英文後,成為《觀察家報》記者,直至1954年重返故土,但最初重返故土果陣,佢都仍然係《觀察家報》駐德記者,後來佢至重返德國傳媒。而 一個德國人的故事 就係佢1938年流亡前嘅回憶錄,回憶番點解當時德國社會有幾黐線。

依家中國係完全唔對路,大家以為五毛係少數,但事實上,五毛反映正係中國國民果陣歇斯底里狀態,甚至果啲惡劣嘅中國遊客,都已經講出咗依家嘅狀態,當全民著魔果陣,你唔想同流合污,一係你準備做劉曉波捨身成仁,一係就要做 Sebastian Haffner 流亡海外,繼續喺道德上嘅抗戰,甚至可能係必要嘅,因為納粹德國都唔會派咁多人喺海外搞滲透,但中國就派咗大量第五縱隊,佢地嘅作為足以搞臭所以亞洲人個朵。

我睇第三次世界大戰,只不過係遲或早嘅問題,而且觸發呢件事果個,正係迅速納粹化,國民全無自省能力嘅中國,繼續行綏靖主義政策,只會助長惡魔。當然,我對日本正式成軍係有保留,除非日本政府有決心鏟除果啲二次大戰責任否認者,一如西德政府一樣。

劉曉波 想以殉道喚醒中國人,好不幸,佢已經失敗,依家除咗拯救劉霞(雖然希望渺茫),大家要有做 Sebastian Haffner 嘅心理準備。

發表迴響

你的電子郵件位址並不會被公開。 必要欄位標記為 *