劉曉波-英國-min

中國以為殺咗 劉曉波 係唔駛找數㗎

中國係唔係蓄意殺 劉曉波 ,其實唔駛點講都有定論,中國依家一定係歷史上超越納粹德國嘅人渣政權,蘇聯都做唔出嘅人渣事情,中國做晒。只不過中國以為全世界行緊綏靖主義,殺咗 劉曉波 係唔駛找數嘅,正如有啲揸美國護照嘅人渣(仲要果條友係支持傳心術)講,「祖國是強大的」。只不過,由歐洲國家嘅反應嚟睇,殺咗 劉曉波 唔駛找數係無乜可能。

殺咗 劉曉波 大鑊 唔放劉霞中國更大鑊

依家措辭最強硬嘅,除咗挪威諾貝爾委員會,大家估佢唔到,係英國,英國外相Boris Johnson嘅聲明第二段全文係咁:

Liu Xiaobo should have been allowed to choose his own medical treatment overseas, which the Chinese authorities repeatedly denied him. This was wrong and I now urge them to lift all restrictions on his widow, Liu Xia.

This was wrong係甚少見諸英國外交辭令,特別中國通把持英國對華政策嘅情況下,用this was wrong喺外交上,同當眾用粗口XYZ中國係無分別。而I now urge them to lift all restrictions on his widow, Liu Xia,係用命令式語句,就更為罕見。英國用咁重用字,一方面,BREXIT談判前,英國外交政策係需要更緊跟歐盟,另一方面,對於任何歐洲人,你做得仲勁過希特拉,根本呢個國家係百分百流氓國家,唔可能再用任何理由去支持綏靖主義,英國政壇無人想做張伯倫第二,當證明咗中國係勁過希特拉果陣,所以英國對 劉曉波 事件嘅口脗係一百八十度大轉變。我諗英國都估唔到,中國政府竟然做得出勁過希特拉嘅事。

因一個劉曉波證明中國走向納粹化果陣,唔係唔駛找數,歐盟不單唔會解除對中國軍事禁運,而且更大可能係同中國關係更加疏遠,甚至喺敵對狀態。中國好強大,睇吓點,當年納粹德國仲強大喇,咁又如何?

發表迴響

你的電子郵件位址並不會被公開。 必要欄位標記為 *