德國火車-min

德國火車 勁delay?仍然比香港、英國好太多

有人最近share台灣天下雜誌嘅文章,話乜嘢德國追求平衡預算,投資喺鐵路等基建唔夠,所以, 德國火車 無以前咁準,成日delay,要準時,去番瑞士喇。Really?我喺德國兩個禮拜,我完全唔覺 德國火車 勁delay。甚至我可以咁講,作為一間全國有,兼且接收大量政府資助嘅公司,DB表現係無問題。同英國倫敦果啲災難級服務,更加唔駛比。

德國火車 我唔覺有問題

我之前住嘅地方,其實就係台灣天下雜誌果篇文章講嘅魯爾區(Ruth),無錯,鐵路沿線塗鴉好勁,好多大型嘅S-Bahn站或者Hbf(Hauptbahnhof,德文直譯係main station)係需要作出現代化,應付客量需求,只不過,天下雜誌講果啲十九世紀信號站,好多真係天方夜譚。如果話delay得勁嘅RB車(DB Regio,區域特快),其實好多時係delay一分鐘左右,仲要德國啲RB可以好密,以去Dusseldorf機場為例,RB車一站到Dusseldorf Hbf,仲要車費同S-Bahn一樣,七分鐘內呼嘯而過到市中心,好多時十分鐘一班,你最緊要裝咗個DB Navigator嘅app搞啱正確上車月台就得,而時速都遠比日本JR東日本要快。如果係用緊啲十九世紀信號站,你認為做得到?

仲要有一點要注意,天下雜誌果篇文章係抄左膠大報《衛報》,而《衛報》根本係借德國嚟攻擊保守黨嘅公共財政政策,當你知道《衛報》係de facto工黨黨報果陣,你睇佢啲文章係唔係要過濾一下先。無錯,由於要大筆投資前東德地區果啲亂七八糟嘅基建,所以投資少咗好多錢喺前西德嘅地區,但果啲公共建設或修路情況,係唔係講到咁嚴重,又唔係。相反,係人手不足,至少德國最嚴峻嘅挑戰,好似Dusseldorf有個勁膠嘅U-Bahn,有一邊出口長期有部售票機係壞嘅,乘客要去另一邊出口買飛,原因係U-Bahn唔派人駐守另一邊出口。只不過,係唔係因為支出緊縮,唔係,而係德國可能係歐洲最唔怕移民嘅國家之一,因為佢地對勞動力有一定需求,可能人口老化比基建老化更加似係大問題。

更何況有啲嘢,唔係你俾得錢多可以解決問題,好似英國倫敦果啲垃圾鐵路,坐到火都起,又貴又唔準,喺德國兩個人俾十歐羅Dusseldorf全市任坐,包括RB車(當然唔好去咗另一個城市),英國倫敦,10歐羅坐到乜?想day pass,發你個夢喇,Arriva夠係DB旗下公司,有時候,有啲嘢更加係文化問題,唔係投資得錢多,或搞私有化係搞得掂。

所以睇文小心啲,特別果啲台灣向content farm發展嘅「傳霉」。

發表迴響

你的電子郵件位址並不會被公開。 必要欄位標記為 *