劉迺強

劉迺強 將公帑當共產黨私產

蔡若蓮呢個擺明共黨陣營中人,想做教育局副局長,已經引起好多懷疑和反對聲浪。五毛梗係要吹雞支持蔡若蓮入去,否則點洗香港下一代腦呢。只不過 劉迺強 呢件五毛頭子真係語出驚人,竟然話聘請蔡若蓮係回禮,簡直係黐線。

劉迺強 當公帑係私產

喺一個正常民主社會,政府唔應該將政府人事職位,當係俾某啲人嘅回禮,呢啲嘢,台灣講法叫酬庸,呢種酬庸式安排,正係儒家文化體系嘅國家好多政治都出咗問題,甚至腐敗嘅原因,將公共資源當係政黨私產咁用,如果呢種玩法係毫無監察嘅話,就會變成唔係量才為用嘅貪污作為,呢個係Crony Capitalism嘅思想源頭嚟。

依家 劉迺強 竟然口出狂言話請蔡若蓮果啲人工係回禮,即係依家 劉迺強 呢班人渣完全唔理香港固有嘅民主、法治以及量才為用嘅精神,一切圍威喂,如果係咁,香港人更加有必要要阻止蔡若蓮就任,費時公共資源俾你班友當私產咁分,甚至我可以咁講, 劉迺強 以至佢控制果啲公司,攞咗幾多香港人嘅公帑去駛,都要逐一查清楚,因為 劉迺強 講得呢句,都好清晰咁反映出,土共果種當香港公帑係私產,以及諗住吼住公帑嚟發財嘅心態十分之明顯,咁搞落去,明搶嘅事只會越嚟越多,咁香港人交稅俾香港政府做乜,進貢呢班人渣呀?你甘心交稅養蔡若蓮、 劉迺強 呢啲仆街冚家鏟咩?你返工係為咗養人渣嘅話,咁你又返工嚟做乜呢?除咗要維持一日三餐同衣食住行之外。

依家土共將公帑將共產黨私產係好明顯,所以喺果啲副局長同新聞統籌專員問題上,係寸步不讓,一直有傳人選,但遲遲未能委任果幾件茂利,包括蔡若蓮、黃永以及李浩然,公眾有必要阻止呢啲人渣進入政府,蠶食公帑,呢班友簡單嚟講,只不過係一班賊,打劫公帑嚟發財嘅賊,公帑係應該用喺改善公共醫療,以及多起針對香港人,而唔係中國新移民嘅公屋。依家啲公帑同土地,都變咗共產黨濫用嘅財產,而香港人唔諗辦法搶佢地返嚟嘅話,我只能講,香港人並唔精明,只不過係一班比水魚更水魚嘅笨柒,如果我係共產黨,唔昆你班友,唔通昆啲大賊呀?

3 thoughts on “劉迺強 將公帑當共產黨私產

  1. 唔係乜都賴儒家就得,政治酬庸美國都大把,唔通美國係儒家社會﹖而鬧人「公器私用」這句話難道又不是出自儒家社會﹖

    酬庸根本是人性,有沒有政治酬庸、或者酬庸有沒有令社會腐化,要看社會制度有多成熟。

    1. 美國係另一種問題,簡單嚟講係柴娃娃太勁,但美國三權分立係世界最強亦係事實

      儒家仍然喺Crony Capitalism佔重要位置

發表迴響

你的電子郵件位址並不會被公開。 必要欄位標記為 *