we撐林鄭-facebook廣告

查Michael Mo?點解唔查 we撐林鄭 ?

ICAC突然要求Michael Mo就佢果個惡搞網站係唔係未經批准招致選舉開支作出調查,簡直係黐線之霸,如果要查,點解唔查咗 we撐林鄭 果個垃圾facebook page先。如果講未經批准招致選舉開支, we撐林鄭 以及香港政研會班人渣捉晒返去飲咖啡先喇。

we撐林鄭 更明顯係招致選舉開支

Michael Mo搞嘅惡搞網站,其實真係純粹惡搞,同選舉無乜關係,係同林鄭月娥啲膠行為有關係,如果咁都叫非法招致選舉開支,叫香港啲傳媒執晒佢算,咁講,《星島日報》、《文匯報》、《大公報》同埋南華傳媒屬下果啲雜誌,更明顯係招致選舉開支,點解唔捉咗果啲雜誌嘅老闆先?

更何況 Michael Mo果個project,既無落facebook廣告,亦無話支持或反對某候選人,只係恥笑一下林鄭月娥係膠。相反, we撐林鄭 ,有落facebook廣告,有傳媒screen capture咗果個廣告,而林鄭月娥陣營亦明確表示,無授權 we撐林鄭去招致選舉開支,點解依家ICAC無拘捕任何同 we撐林鄭 ,以及香港政研會相關嘅人?唔通因為呢班友係幫林鄭月娥,甚至係中聯辦泵搞選舉舞弊,所以就可以由得呢班仆街走得甩?如果廉署拉咗 we撐林鄭 班友在先,都無咁明顯係政治迫害,但依家係 we撐林鄭 果個page仲仍然存在,仲可以豪到送成千銀超級市場禮券去維穩,你同我ICAC依家唔係東廠,搵鬼信?唔好講UGL案呢啲咁複雜,講番好似選舉非法招致選舉開支呢啲案,ICAC都已經係是非不分,仲要《防止賄賂條例》授予ICAC近乎MI5嘅權力,依家駛乜重建政治部,只要林鄭月娥新政府濫用ICAC,係咁用反貪之名,查政敵又得,起自己友尾注又得,真係中國明王朝嘅皇帝,都無林鄭月娥咁大嘅權力。

ICAC有責任向公眾交代,點解依家仲唔拉香港政研會同 we撐林鄭 專頁班友,果班友係一早應該冚檔,林鄭月娥濫用權力嘅仆街程度,可以講係比689仲要衰多兩錢重,因為林鄭月娥好熟悉英國人留低乜嘢仆街嘢。香港人真係好自為之。

發表迴響

你的電子郵件位址並不會被公開。 必要欄位標記為 *