狀元-min

狀元 ?乜嚟㗎?食得㗎

對我嚟講,會考或者DSE係越嚟越遙遠,只不過,我對傳媒走去報導 狀元 呢家嘢,一向都覺得好膠,一方面,傳媒對 狀元 嘅追求,根本係中國科舉嘅遺毒嚟,而科舉係古代中國專政皇朝消耗知識分子嘅技倆嚟,我真係覺得 狀元 重要嘛。唔好話現代,大清帝國出過啲 狀元 ,你都未必記得喇,係咪。

狀元 呢種科舉遺毒

依家啲 狀元 想做醫生,想做律師﹐唔值得你林作出嚟丙,一方面,林作條友自己都知行唔合一,如果佢咁X憎呢啲科舉嘢,不如佢當年咪考大狀,另一方面,古代嘅科舉係衰多兩錢重,簡單嚟講,考科舉係為求一張做貪官入場券,依家考DSE做 狀元 ,最多攞獎學金容易啲,如果佢地可以走去香港以外嘅地方讀書,依以為局勢睇,如果 狀元 可以令佢地可以逃出生天,唔駛大肆報導,但亦唔駛學林作咁批判佢地,沽名賣直。當然,傳媒成日搵林作嚟comment都係一個好嚴重嘅問題,林作,憑乜comment依家啲 狀元 ,麥明詩仲話有少少ground啫,麥明詩好歹係過來人,而林作,過來人都唔X係。

DSE只不過係人生一個幾重要嘅中途站,你話考得掂DSE係唔係唔重要,唔係嘅,讀過大學人生點都會順暢少少咁多,會相對容易躋身中產階級,雖然依家中國已經將香港社會向上流動嘅階梯搞得不似人形。但考唔掂DSE會唔會死?又未必,DSE只不過係一張入場券,我當年嘅心態,其實都適用於依家嘅處境, 狀元 多少係撞彩,但可以輕鬆追求一個可以入到大學嘅分數,係你應該有嘅策略目標,點解我話輕鬆追求,因為年青時代人生應該有其他嘢可以做,例如做運動強健體魄,例如睇吓書,呢啲嘢你少年果陣唔做,人到中年你就會後悔莫及,呢樣嘢,係好多家長無為自己子女未來諗清楚。我中五係打住機考,我中七係發緊燒考。我中學時代,寫文睇書仲多過我依家好多,呢啲財富係年青果陣儲藏,唔係等老咗或退休先做。

當然,依家如果DSE考得好,依家新DSE考生都應該無BNO,咁考得好如果係一個搏向海外走嘅機會,就另計。或容我咁講,當中國學生係咁搶獎學金果陣,如果 狀元 係一道太平門,而你需要呢道太平門,你應該去努力。恕我悲觀咁講。

發表迴響

你的電子郵件位址並不會被公開。 必要欄位標記為 *