劉曉波-Carl von Ossietzky-min

劉曉波 與Carl von Ossietzky

德國喺 劉曉波 問題上,扮演好積極嘅角色。如果華人唔明德國歷史,一定以為德國同歐盟要搶佔道德高地。但如果你知道,直至現時為止,唯一死喺獄中嘅諾貝爾和平獎得主,正係1935年德國嘅得主Carl von Ossietzky,對於一直深切反省納粹罪行嘅德國嚟講,德國人認為係有道義責任,阻止歷史重演,當然依家都有啲難。

劉曉波 死於獄中等於宣告納粹中國出現

Carl von Ossietzky喺1935年因主張和平同反對納粹黨,攞到諾貝爾和平獎,當時希特拉堅持唔肯放佢,喺集中營折磨佢,直至佢死果一刻,都喺警察之下控制,Carl von Ossietzky之死無異向世人宣告,納粹黨係攞正牌嘅仆街。1938年5月4日,Carl von Ossietzky逝世,跟住1938年9月,張伯倫仲懵盛盛簽慕尼黑協定,出賣捷克俾德國,1939年9月,德國就向東進軍入侵波蘭,露出人渣真面目。如果照咁睇,當 劉曉波 一死,其實同Carl von Ossietzky死效果一樣,就係宣布中國係唔尊重國際社會道德嘅人渣國家,同納粹德國一樣。所以喺呢個歷史背景下,話默克爾同德國政府唔會出聲,呢啲人根本無視德國歷史, 劉曉波 係重演Carl von Ossietzky嘅悲劇,德國梗係會千方百計救佢。

我對 劉曉波 獲救毫不樂觀,但如果中國政府咁忍心俾 劉曉波 同Carl von Ossietzky一樣死法嘅話,德國人一定會對現代共產中國「另眼相看」,現代德國人係極之憎納粹黨,當中共變成搞中國特色嘅國家社會主義果陣,你覺得歐洲國家仲會想尊重呢班友?如果中國人對 劉曉波 嘅死粒聲唔出,甚至有五毛仲要附和共產黨嘅,國際社會將會點睇中國人,大家心中有數。

本文圖片乃 Bundesarchiv (德國聯邦檔案局) 文件,根據德國法律以CC-BY-SA 3.0(Namensnennung – Weitergabe unter gleichen Bedingungen 3.0 Deutschland)條款使用。

發表迴響

你的電子郵件位址並不會被公開。 必要欄位標記為 *