Dunkirk-min

Dunkirk 精神:英國人嘅基本修養

近日,蝙蝠俠嘅大導演Christopher Nolan嘅 Dunkirk 即將開畫,好多人會好奇怪點解 Nolan走去拍戰爭片,但你知 Nolan 係英國人果陣,你就唔會意外,因為 Dunkirk 反映係一代嘅英國精神,就明點解 Nolan 點解會拍呢套片。

Dunkirk 精神係啲乜

Dunkirk 我寫過唔只一次,但作為一個英國人,容我不厭其煩再寫一次,喺法蘭克被閃電戰擊敗後,英法聯軍困喺Dunkirk呢個地方,當時唔係希特拉take完嘢果吓退潮反應,無聽古德林勸嘅話,我相信英法聯軍四十萬人一早被納粹俘虜。但當時有少少運氣,加上英國全民嘅鬥志,全國上下乜嘢你諗得出可以游走英倫海峽嘅船都出晒去協助撤退,保留咗英國嘅有生力量,亦為日後大君王行動以及西線戰場打下真正嘅基礎。如果 Dunkirk 撤退失敗嘅話,喺戰略上,係一件十分之大嘅災難嚟。

Dunkirk 精神係全國上下,為咗自由,不惜一切打到底嘅鬥志,係為自由而絕不投降,亦不妥協,邱吉爾從無諗過同納粹德國和談,呢個不向獨裁者屈服嘅鬥志,邱吉爾固然係英國嘅少數(大家要記住,喺慕尼黑會議期間,邱吉爾係被人當成傻佬看待,係希特拉堅係走數,邱吉爾呢位英國當時頭腦最清醒嘅人,大家至信佢講係真。),依家有時英國人都忘記咗呢種鬥志,所以 Nolan 再將呢段歷史拍成電影,喺呢個綏靖主義者當道嘅社會,尤其重要。

當然,保留有生力量都係重要,玩焦土戰略,只有俄羅斯呢啲幅員廣大嘅國家至玩得起,英國呢類腹地不足嘅國家係玩唔起,所以保留到幾多有生力量就保留到幾多,我提出 BNO 平權,當然有反歧視以及還香港人一個公道嘅考量,但亦有保留有生力量嘅考量,當有生力量都被消耗殆盡,就乜嘢都唔駛再玩落去。喺香港嘅電影宣傳標語,係用生存就係勝利,對當時英國嚟講確實如此,一如法國,如果唔係當時有海外法國屬地係效忠於戴高樂將軍,根本係好難做到反攻巴黎,法國可以用自己嘅力量光復巴黎,就算蔣介石都要用中國龐大嘅腹地同日本周旋喇。

移民並不可恥,移咗民走去幫共產黨至可恥。

One thought on “Dunkirk 精神:英國人嘅基本修養

發表迴響

你的電子郵件位址並不會被公開。 必要欄位標記為 *