劉曉波-德國-min

德國使館為 劉曉波 直斥其非:無你班華人諗到咁現實

當唔少華人,仲喺度講乜嘢德國同中國傾掂咗數,唔會幫 劉曉波 出聲果陣,中國搵德國同美國醫學專家過橋,玩移花接木呢招,俾德國駐華使館直斥其非。由 劉曉波 呢個問題上,我諗好多華人都仲未知現代德國係點嘅一回事。

經歷過東德共黨殘暴統治嘅德國人點會唔知你對 劉曉波 玩邊科

首先,喺西方眾多民主國家裡面,對共產黨果種人渣殘暴最有第一身感受就係德國,因為東德係被共產黨殘暴統治,柏林圍牆死過幾多尋求自由嘅人,東德人嘅苦難,亦係納粹德國錯誤無法喺德國東山再起嘅原因。而依家嘅德國總理,就係東德走出嚟,你估默克爾唔知你共產黨對 劉曉波 玩邊科呀。好彩依家唔係由Joachim Gauck做總統,而係做外長果陣,被指太親俄同親中嘅前外長Frank-Walter Steinmeier做總統,否則我恐怕唔係對華使館指斥你中國咁簡單,而係德國總統走出嚟XYZ中國對 劉曉波 嘅所作所為。德國前總統Joachim Gauck嘅道德光環,係喺1990-2000年追查東德秘密警察啲仆街嘢有名。你估德國佬唔知你共產黨玩邊科,我諗習近平呢班友,唔記得咗依家德國政壇裡面,有幾多人係曾經受共產黨殘暴統治,而德國對過往東德共產黨啲衰嘢,研究有幾咁完整同仔細,都未計德國對納粹黨啲衰嘢嘅研究。

所以呢次中國對德國都夠薑玩嘢,真係抽水抽著火水,依家德國人係唔接受為經貿關係向中國同俄國退讓嘅外交政策,所以至出現德國駐華同駐港使館都一改商貿為主嘅態度,主動喺人權同民主問題上出聲,甚至有啲嘢上面,其實德國比美國做得更勇敢更徹底。有時美國佬都有為利益計得太盡嘅問題,但德國人經歷過納粹同共產黨兩大仆街統治,佢地唔見得會接受為咗賺錢而對啲仆街嘢隻眼開隻眼閉。

大家仲要留意一樣嘢,英國喺 劉曉波 問題上,係決定跟隨歐盟一致步伐,雖然有BREXIT,但我睇英國外交政策,總體反而仍然要考慮同歐洲同步嘅問題,特別依家英國民意已經傾向留歐多於退歐,疑歐派如果提唔出可行BREXIT方案,一旦BREXIT煞停,英國只會更進一步向歐洲整合,而唔係疑歐派期望嘅情況。

華人應該醒一醒,西方社會唔係個個有錢大晒,講英文果啲或者會仆街啲,但講法文或德文果啲,唔似係囉。讀吓歐洲史先喇,華人。

發表迴響

你的電子郵件位址並不會被公開。 必要欄位標記為 *