臨時買賣合約-min

聯合聲明係 臨時買賣合約 ? 李浩然你9up啲乜

聯合聲明作為一份國際條約,走數就係走數。但係中國人就係同義和團時期一般,唔肯接受Westphila體制嘅秩序,走數都亂咁9up。傳聞會做副局長嘅賣港前中國官員李浩然,就話聯合聲明係 臨時買賣合約 ,融匯咗其中,所以聯合聲明可以唔存在。作為一個每日對住商業合約嘅人,我直頭想講,你李浩然唔知乜撚叫 臨時買賣合約 ,唔該早抖。

臨時買賣合約 都係合約

首先,中英聯合聲明唔應該用房產買賣合約比喻,因為國際條約,好多本身會變成國內法,好似喺英國,中英聯合聲明最終係變 Hong Kong Act 1985,而中國就係基本法以及相關連法律,如果聯合聲明走咗數,咁Hong Kong Act 1985同基本法係乜嚟,廢紙嚟㗎,呢啲真係用嚟呃睇港人講地,HKGPao果啲白痴。

另一方面,如果基本法係正式買賣合約,點解基本法唔駛經過英國國會通過,如果中英聯合聲明係 臨時買賣合約 ,而基本法確實係正式買賣合約嘅話,咁正式買賣合約,同埋房地產交易一般相關連嘅assignment,所有條款都要雙方同意。喺英國,只得一個方法可以確認英國係同意基本法,就係英國國內立法,例如係Hong Kong Act 1997之類。依家李浩然咁講,不單反映呢條友係法盲嚟,更加係越講越衰,如果基本法係未經英國同意,咁不如廢咗佢喇。事實上,如果基本法係實現中英聯合聲明嘅工具,內裡文本應該得到英國同意,未經英國國會立法,根本無法成法嘅。我係連英國外交代表喺基本法上簽字都未見過。

仲有, 臨時買賣合約 都係合約,你試吓走 臨時買賣合約 數,除非基本法有明確條款係取代聯合聲明本身,否則走 臨時買賣合約 數都係走數,正常嘅物業交易係業權不會轉易兼沒收訂金,有啲更有條款容許任何一方進一步追討賠償。我諗講 臨時買賣合約 呢樣嘢,李浩然唔應該衝出嚟柒,用 臨時買賣合約 嚟處理僭健、劏房呢啲仆街嘢嘅梁振英同陳茂波,佢地更加專業話俾你聽, 臨時買賣合約 絕對係合約嚟,李浩然真係恨做官恨到發晒燒,一嘢露底都唔知。

發表迴響

你的電子郵件位址並不會被公開。 必要欄位標記為 *