劉曉波-患癌-min

中國唔俾 劉曉波 流亡根本係人渣所為

作為《零八憲章》其中一位聯署人,我其實對同啲日日諗住飛機大炮嘅軍事宅,甚至投共X辯論遼寧號興趣唔大,大家都知,呢隻嘢,一方面唔知找咗數未,另一方面,一旦出海作戰,有乜結果大家心照。 劉曉波 依家嘅安危,係一個更值得關心嘅課題。 劉曉波 作為諾貝爾和平獎嘅得主,佢嘅健康同安危,係全世界人類應該共同關心嘅事,應該無乜人反對嘅。

劉曉波 唔可以走係反映中共黨性大於人性

當然,中國政府嘅算盤,了解中共黨史都了解。因為中國共產黨最怕 劉曉波 一出國,諾貝爾委員會搵人頒和平獎俾佢,去醫院頒和平獎俾佢,對中共嚟講,真係瘀到極點。呢樣嘢,就係中國一直唔肯俾 劉曉波 保外就醫嘅原因。乜中國共產黨識得顧全囚犯健康同安全嘅咩,係嘅話, 劉曉波 就唔會好似依家咁慘喇,係唔係呀。

只不過,中共真係認為 劉曉波 無法攞獎係可以保得住面子,肯定唔係呢回事,如果中共依家宣布俾 劉曉波 出國就醫,當係賣個人情俾G20峰會今年主辦國德國同埋總理Angela Merkel,其實中共仲可以保留少少面子,至少未算係北韓級別嘅無人性,雖然分別都十分之細。但如果德美醫療專家都話 劉曉波 ,而中共仲唔俾出國,呢樣嘢係十分之清楚,中共係一班黨性大過人性嘅人渣,依家嘅中共,依然係文革果個中共,為咗迫害政敵,絕對人性,過去咁多年嘅開放改革都係一派胡言。咁你覺得中國仲可以喺國際社會有地位,都仲未計中國政府公然喺《中英聯合聲明》走數一事。

當 劉曉波 死喺中國,劉霞同劉曉波嘅親友要長期喺中國被軟禁甚至囚禁,中國喺國際社會嘅地位唔會再有,唔好以為國際社會乜嘢一味實力主導,如果一味實力主導,納粹德國同蘇聯就唔會係邪惡象徵,人類社會應該倒退番去森林黑猩猩嘅社會,我地唔係生活喺一個猿人爭霸戰嘅世界裡面。 劉曉波 如果仲係離開唔到中國,國際社會對台獨、港獨、藏獨、東突獨立等等問題嘅睇法,會十分之唔同,因為呢四個地方明顯係受一個野蠻國家壓迫,一如大家對ISIS嘅睇法一樣,依家ISIS已經倒下,新邪惡軸心除咗北韓,唔係俄國就係中國。但俄國仲有少少人權,至少俄國仲係廢除死刑嘅國家,仲會守一啲歐陸法規,中國完全唔係果回事。

好多中國人唔知 劉曉波 死喺中國嘅代價,但好快好多人就會知個代價。

發表迴響

你的電子郵件位址並不會被公開。 必要欄位標記為 *