遼寧號-俄羅斯-min

由 遼寧號 睇一班軍事宅係點白痴

本來唔想公開同啲軍事宅開火,只不過,香港啲軍事宅水平,竟然同中國果班友一樣,只係沉迷喺武器上,但完全唔知何謂軍事。真係火都嚟。正所謂 Apple to Apple 比較公道啲,俄國嘅 Admiral Kuznetsov 同 遼寧號 同級,同 遼寧號問題一樣,被英國人由頭恥笑落腳,班軍事宅仲好為自己辯護,你班友真係水平喺契丹果度。

遼寧號 問題喺鍋爐度

遼寧號 以及所有前蘇聯年代遺留嘅航空母艦,除咗印度特別醒改用意大利引擎外,其他都係俄製鍋爐(Boiler),由於1989年北京大屠殺後禁運,中國係買唔到歐盟製嘅引擎,所以如無意外, 遼寧號 可以用嘅鍋爐選擇唔多,用番俄羅鍋鑼大致係咁。無錯,鍋爐係有吹灰程序,係有吹灰器(Soot blower),甚至有器材收集呢啲灰,但唔會啲灰航行果陣都搞成咁,同俄國艦隊經過英倫海峽果陣一樣。2016年10月,Defencetech搜集咗堆網民恥笑俄國佬嘅post,其中關於出黑煙果度,有段由美國人寫嘅twitter有好專業嘅分析。

  1. water in the fuel.
  2. casing leaks in the boiler or uptakes.
  3. bad or dirty atomizers
  4. unburned fuel in boiler DANGER

用香港文譯係,燃料有水份、鍋爐有裂痕、壞或者污糟嘅atomizer,以及鍋爐內未燃燒嘅燃料,都係原因,上述四個原因,無樣好嘢,Admiral Kuznetsov本來就有名唔可靠,曾經發生過火災等事故,俄國佬都用到不知所謂, 遼寧號 嘅黑煙,更加反映依家呢枝解放軍,軍紀同大清帝國北洋海軍一樣咁散漫,至少喺鍋爐保養呢方面,根本係完全唔掂檔,不知所謂。

喺香港,所謂軍事書,就係對飛機大炮嘅吹捧,中國更等而下之,日本都唔好得好多,係新加坡由於兵役制度緣故,啲軍事書反而著重戰略理論,正常少少。但喺西方國家嘅書局,特別華府五角大廈附近果啲,真正講軍事,唔係武器武備,就算談論武器武備都唔係一堆圖鑑,而係實在對武器性能嘅分析。所以,香港啲軍事宅,甚至個別扮本土之流,一艘 遼寧號 令佢地嘅真身現晒形。好不幸,佢地連最基本機械嘅嘢都未搞搞,仲走去同啲黑煙辯護。

2 thoughts on “由 遼寧號 睇一班軍事宅係點白痴

  1. 純粹一問:
    看過雙方文章,但見其中一個指斥你的人用上了小鷹號和伊莉莎白二世號噴黑煙照片來證實自己論點。以機械等角度,你會如何解釋呢?
    (當然不排除當事人PS咗張相,不過想看看其他可能解釋)

    1. 標準一視同仁,就係唔應該有呢個保養問題,但小鷹號啲黑煙邊度嚟我好懷疑

      伊莉沙白二世號,依家咪仲喺trial 階段

發表迴響

你的電子郵件位址並不會被公開。 必要欄位標記為 *