聯合聲明-失效-min

聯合聲明 呢鋪係堅失效

之前中國外交部話 聯合聲明 失效,好多國家或政府都未必認真係審視,因為外交部講嘅嘢,如果未經條約法律司嘅核證,大家都一般當係政治上嘅9up,條約法律司理論上,係會阻止啲9up出現,因為條約法律司啲人係受國際法訓練,係絕對知道亂講一通喺《維也納條約法條約》之下嘅結果,特別 聯合聲明 係聯合國登記註冊嘅條約,係受《維也納條約法條約》管轄。就算依家BREXIT,自由行動問題其中一大障礙就係《維也納條約法條約》。

依家中國係確認走 聯合聲明 數

對好多唔識國際法嘅香港人,未必知道依家連條約法律司都話 聯合聲明 無俾英國權力嘅結果,但條約法律司班友應該知,就算 聯合聲明 無寫明英國有乜權力,根本《維也納條約法條約》都好清楚敘明相關權力,更何況喺 聯合聲明 訂立果陣,根本無repeal《南京條約》同《北京條約》,理論上,香港島以及界限街以南嘅土地終極主權其實仍然喺英女皇手上。依家條約法律司都9up,大家可以有十分之強論據,去證明 聯合聲明 走數。

依家英國應該仲會以一兩份文字聲明去抗議,但如果中國回覆都係一樣,未必立即構成歸英戰爭,亦未必引發國際法院訴訟,但作為 聯合聲明 喺英國國內法院嘅實現Hong Kong Act 1985就一定變得十分之有問題。Hong Kong Act 1985一旦collaspe咗,係可以引發相當多嘅連鎖反應,由香港駐倫敦經貿專員公署喪失外交豁免權,到香港人嘅國籍都會有問題,當然,呢部分係收費版嘅嘢,我唔會再詳細申述。

聯合聲明 呢鋪係堅失效,我唔知中國班蠢才依家個腦諗乜,但以英國嘅外交傳統,走數係一定有代價,否則英國以後喺BREXIT談判就更加無人理佢,無錯,國際關係多少講實力,但如果英國要喺BREXIT爭取更優厚條件,英國唔可能面對中國過份軟弱,否則歐洲各國就玩英國一定玩得更加之甘,特別呢個月,歐盟就同英國就自由行動問題展開談判,而自由行動問題,係成個談判當中最棘手,因為BNO其實已經因唔少人履行咗呢項權利而捲入其中。

都係果句,我留名睇呢鋪中國點出事。

One thought on “聯合聲明 呢鋪係堅失效

發表迴響

你的電子郵件位址並不會被公開。 必要欄位標記為 *