遼寧號-黑煙-min

遼寧號 噴黑煙證明呢隻航空母艦只係廢鐵

中國人嘅思維有時真係好好笑,以為派架 遼寧號 耀武揚威,可以令香港年青人以為中國好勁。點知呢次 遼寧號 狂噴黑煙,不單污染環境,而且更加暴露咗 遼寧號 喺戰略同戰術上諸多弱點,如果中國真係以為自己好X勁可以打海戰,睇怕輸得慘過1894年黃海海戰。

遼寧號 點可以噴黑煙

噴黑煙呢樣嘢,對軍事史愛好者嚟講,堅係笑咗,因為1894年黃海海戰,大清帝國嘅戰艦燒劣質煙黑煙太大,所以日本海軍可以睇到大清帝國海軍動向,謀定而後動慢慢打。喺一百幾年前,軍艦都知唔可以大煙,否則一旦打起嚟,好容易被敵方發現行蹤,以中國依家嘅財力,係無理由仲係俾引擎燒重油,唔係無錢燒柴油,而係根本中國係掌握唔掂遼寧號嘅動力系統。點解歐盟投資咁多錢,迫啲車廠提升柴油引擎排放水平,除咗係環保考量,亦係軍事上有著數嘅行為,因為歐盟依家柴油引擎嘅效率大大提升,呢啲技術喺軍事上係有價值,大家可以見到,Volvo、Benz、MAN、Scania呢啲商用車大廠,全部有做軍用車輛,佢地全部有自己嘅引擎技術,中國?依家東風商用車都要同歐盟國家合股。

航空母艦呢樣嘢,點解呢樣嘢真係可以震懾到其他國家,因為呢個反映一個國家軍隊嘅綜合戰鬥力同技術能力,美國同法國嘅綜合能力無庸置疑,法國戴高樂嘅獨立自主政策,係有一定嘅基礎,包括法國嘅核反應堆技術(無人否認法國佬呢方面能力,包括核能監管),美國更加唔駛講。日本、英國、俄國全部都係一至兩項技術嘅領先者嚟。印度佬你話佢航空母艦都係嚟自俄國都好,但印度佬有無搞到咁膠呢?印度始終係民主國家,印度可以喺歐盟國家買到航空母艦所需嘅柴油引擎,唔係仲係用緊俄國自己都用到爆炸果啲引擎,中國一日唔找1989年天安門大屠殺果條數,你想歐盟國家賣呢啲技術俾你,你返去發白日夢,同樣喺以俄國廢艦做基礎,中印海上會戰結果會點,唔打都估到喇。仲要印度海軍傳統,實際師承英軍。

震懾港獨,震你老母就可能有嘅,呢次中國係叫自暴其短,由1894年到依家,中國人嘅思想水平根本無提升過就係。

發表迴響

你的電子郵件位址並不會被公開。 必要欄位標記為 *