國際軍樂匯演-min

英國政府搵 國際軍樂匯演 作為挑機平台

我唔知劉江華條人頭豬腦搞 國際軍樂匯演 果陣,有無估過佢自己嘅政治智慧,有無能力同英國佬玩。但我依家可以好肯定咁講,呢鋪 國際軍樂匯演 ,已經因一個香港返嚟嘅御林軍,變成一單極其敏感嘅事。而劉江華個頭,應該斬十次都唔夠補數。

英國人搵 國際軍樂匯演 作為宣示主權舞台

英國駐港總領事喺7月6日嘅facebook post度,介紹呢次軍樂匯演有王卓豪上台表演。大家要留意一點好重要,王卓豪係以BNO持有人身份,加入英國陸軍,並成為御林軍一員,喺香港歷史上,包括1997年7月1日前,都未曾有香港華裔英軍係可以加入御林軍。大家要留意,御林軍唔係阿茂阿壽可以入,因為御林軍係守白金漢宮,一定係當自己人,至會可以加入代表英國國家形象,以及關乎保安重大問題嘅位置。

而更大問題係,由於中國人民解放軍嘅黨私人部隊身份(一如納粹德國黨衛軍 SS),香港人除非可以合法加入中國共產黨,否則香港人係無可能加入中國人民解放軍,而以共產黨防止地方部隊反抗嘅傳統,更加唔會俾香港人加入駐港部隊。依家終於出現極奇怪情況,就係喺一個為中國佔領香港而慶祝打飛機大會上,香港人竟然係加入英國軍隊,並且以英軍代表身份演出,而揸果本護照係同香港有密切關係。而中國人民解放軍,由於四枝演出隊伍都無香港人喺度,變成咗一個佔領者部隊,喺軍事上,呢樣嘢係令中國政府極度尷尬。所以我完全唔明劉江華喺籌劃呢次擦鞋擦出腸嘅演出果陣,有無諗過用乜鞋油。仲要呢次係中國銀行(香港)贊助,真係沒有最大鑊,只要更大鑊。

英國人好清楚宣示,英軍至係香港人自己人,解放軍唔係。以往香港人喺英軍,只不過行行企企,依家係堂堂正正加入英國陸軍,仲要英國駐港總領事館破天荒同你宣傳埋,你覺得英國人當香港人係自己人,定係中國人。唔好再同我講乜嘢BNO無居英權嘅事,你睇到王卓豪都可以咁返嚟香港,你覺得平權仲有幾遠?中國人派埋遼寧號嚟,依家人喺英國手,塊地喺中國手有X用。

同埋,英國佬已經喺果個post度,暗示咗實際上BNO居歐權同居英權之間嘅關係,當然,我另文再述,亦唔會係免費文。

One thought on “英國政府搵 國際軍樂匯演 作為挑機平台

發表迴響

你的電子郵件位址並不會被公開。 必要欄位標記為 *