黃錦星-min

黃錦星 又亂徵費,點解立法會居然通過

環保局局長 黃錦星 啱啱連任,就又推出一啲杰撻撻嘅暴政﹐就係買printer, scanner, 電腦主機, monitor, 雪櫃, 洗衣機, 冷氣機, 電視機,全部要徵收額外嘅回收徵費,立法會居然又通過,我覺得係黐線。

黃錦星 由頭到尾都無做好環保配套

作為一個因業務緣故,開始同德國拉上關係人,德國搞垃圾分類,我絕對唔會反對,因為德國政府部門,確係分類咁收垃圾,而垃圾嘅費用,又同分類程度掛鈎。而德國係有個明確回收責任機制,消費者權利係可以確實得到保障,而啲錢,大家亦好清楚去咗邊。香港?首先本來交差餉已經交咗垃圾徵費,即係英國嘅Council Tax,依家香港擺明車馬係搞double taxation,根本係不義嘅。另一方面, 黃錦星 敢切個頭出嚟,保證香港果啲賣printer、電腦嘅公司真係免費回收個系統。大家唔好唔記得,依家全最世界最大嘅其中一間電腦製造商叫Lenovo,香港政府敢挑戰Lenovo呢間國企,我個人唔係好信囉。

無錯,西方國家有好多做法都係好,甚至我都親身試過,但好嘅做法,需要成個配套,唔係掛羊頭賣狗肉,依家 黃錦星 同膠袋徵費一樣,係掛環保嘅羊頭,賣銷售稅嘅狗肉,仲要稅款去向不明,好多機會又去咗土共搞荼毒市民教育果啲地方度,或者喺一啲仆街工程裡面輸送利益俾中國共產黨。要堅係搞環保徵費,至少有以下條件,否則叫政府返去仆街吧。

  1. 全香港大廈強制要做垃圾分類,同埋全香港垃圾桶都有晒垃圾分類
  2. 廢除差餉,或者差餉大為削減
  3. 徵費係專款專用,並且有類似市政局或區域市政局咁嘅全民選議會,監察同決定款項嘅運用,以至金額嘅水平
  4. 香港政府唔會官商勾結,只係偏幫中國商人同埋政府

依家係上述條件,無一項係存在,點解可以 黃錦星亂咁收錢收得咁爽,仲要立法會議員,好似個個都怕咗環保呢兩個大字,就怕咗呢個政府。我個人係支持廢物回收,因為可以回收嘅嘢循環再用,就對人類社會嘅功德,只不過,一定唔係依家香港果種借環保之名,行搶錢之實。呢個城市實在越嚟越恐怖。

發表迴響

你的電子郵件位址並不會被公開。 必要欄位標記為 *