香港獨立-min

支持 香港獨立 成為美國選項

好多香港大中華膠,仲係以為中國違反《中英聯合聲明》係無後果,事實上唔係無後果,係好有後果,Forbes雜誌出文敦促美國同歐盟支持 香港獨立 ,其實係一個明顯嘅訊號,因為呢個好明顯係未來西方國家對連串行動嘅輿論基礎。

香港獨立 係開天殺價,實際係歸英

Dr. Anders Corr 唔係一般人,佢成日喺Bloomberg發表國際形勢分析,Forbes係同Donald Trump家族保持良好關係嘅傳媒,所以呢篇文嘅睇法,可以反映部分美國商界甚至右派嘅意見。當然,美國唔可以講香港歸英,呢個係政治不正確嘅講法嚟,所以就講成 香港獨立 ,大家都知道,香港歸英呢個講法只會引嚟西方左膠討伐,呢個世界有啲嘢,係只能做,唔可以講嘅,香港歸英係明顯例子。

當然, 香港獨立 或歸英成為美國嘅政策選項,依家泛民主派大中華膠得到嘅美國支持,好可能會一夜間消失,事實上,呢班大中華膠喺香港嘅表現係點,大家係心底有數,但西方嘅支持,亦唔會流入熱普城班友,除咗熱普城嘅幫會聯繫之外,更大問題係呢班友啲思維方式,同啲非洲fail state嘅獨立領袖係分別不大,西方國家並唔會有興趣再扶植另一啲香蕉共和國嘅首領出嚟。相信西方會慢慢去理清獨派唔同派系嘅流向。

但有一件事可以肯定, Anders Corr建議英國喺脫歐前尋求歐盟協助,而尋求歐盟協助甚至歸英最快嘅方法,係找咗BNO條數,事實上,歐盟已經暗中協助英國找咗BNO條數,依家中國擺明車馬要撕毀《中英聯合聲明》,英國亦無必要再堅持俾一本無英國居留權護照俾香港人,甚至越多人係擁有英國居留權,越對英國喺香港事務上擁有發言權有利,如果美國係要高調介入香港事務,英國係無得唔找BNO條數,因為已經時移勢易。

而如果英國真係尋求歐盟協助下令香港歸英,或步向獨立,BREXIT好大可能成個過程暫時煞停,因為屆時英國需要歐盟協助對抗中國。當然,未來香港人就變成歐盟遠東嘅橋頭堡。香港行脫亞入歐之路,唔係夢想,而係防衛上嘅必然。

2 thoughts on “支持 香港獨立 成為美國選項

  1. 世澤兄:

    樂見其成. 但我估有排攪.

    1. 英國政府唔可以唔理自己民意, 而英國人一向怕太多 “外人” 走入去造成社會問題. 太多人有國籍事小, 太多人有 ROA 就事大.

    2. 所謂 “找數” “可能會違反《中英聯合聲明》” 只係一個英式嘅擋箭牌, 要做, 國內立法已經得, 例如修訂港人移民條件, 或者退一步, 先處理子女無國籍繼承權呢個問題, 如果英國有心做, 根本唔難.

    3. 中共一早講明 “ROA” 係英國嘅事, 但唔承認非移民方式嘅外國籍, (外國國籍, 唔係單指英國國籍) 但我所知, 就只有英國, 喺自己文件度 “承認” 對方嘅呢個 “唔承認”. 咁, 你話英國點解要咁做? 有錯請指正.

    4. 數雖然要找, 但呢條數可以拖, 拖下找少啲, 再拖唔使點找, 咁點解唔拖?

發表迴響

你的電子郵件位址並不會被公開。 必要欄位標記為 *