長征五號-min

長征五號 火箭發射失敗就係失敗,唔係失利

長征五號 火箭喺海南島發射,點知失敗,其實中國發射 長征五號 火箭嘅技術,講到好高難度咁,其實中國喺火箭發射技術,本來已經係大落後,唔好話追唔上美國Space X可以重覆再用(暫時得美國做到),喺掌握液態氫引擎方面,連日本都不如,大家要記住,名義上,日本係無洲際導彈嘅國家,歐盟都有兩個核武大國(英國同法國),就算BREXIT都好,法國仍然係核子強國嚟。所以呢次 長征五號 一衰咗,會好無面。但結果, 長征五號 發射都係衰咗。

長征五號 反映中國人嘅問題

長征五號 發射失敗就發射失敗,事實上,中國周圍山寨人地技術而唔求改進嘅作風,根本係文化癌症嚟,德國同日本都經歷過山寨嘅階段,但德國用極其認真嘅精神,以及重建工藝技術教育制度,令德國今日仍然係世界工業技術前列位置。日本用匠人精神,至少日本貨依家都係品質保證嚟(當然係比較德國貨同日本貨,日本好多嘢係做得唔實淨,呢啲就係文化差異)。中國,除咗製造大量劣質工業產品,仲有乜。

如果中國係有心精益求精, 長征五號 大方承認失敗,過幾年發展新嘅液態氫引擎技術就係,但係中國又唔承認自己技不如人,更加唔好講,中國好可能喺火箭技術發展上,可能受貪污腐敗影響,用埋晒啲次貨材料,咁搞得有啲嘢失準囉。好似俄國火箭技術,無人話佢唔得,連NASA都要用俄國RD-180嘅引擎,有一段時間,美國嘅火箭引擎係問俄國買,甚至係俄國貨,但點解俄國質子-M火箭經常失敗,貪污腐敗囉,共產國家或甩咗共產主義嘅國家,好少無呢啲貪污腐敗嘅問題。俄國佬都只有賣俾美國嘅引擎上面無鑊氣,就更加唔好講中國呢啲。中國講到長征五號果千八秒進入同步軌道嘅過程裡面,有啲閃失都死,點解會有閃失至得,咪係因為貪污腐敗,再加上馬虎苟且嘅國民性格搞出嚟囉。

而香港啲傳媒,好學唔學,照抄新華社嘅報導,照用失利兩個字,呢啲友仔,果然係中國嘅「朋友」,中國搞成咁,傳媒嘅擦鞋仔,真係應記一功。香港啲傳媒,睇少一陣有助提升智商,恕我難聽啲講。

One thought on “長征五號 火箭發射失敗就係失敗,唔係失利

  1. 記不記得在改革開放的初期,很多歐洲公司找大陸發射衛星,因價錢平相同效果.到後來因二次發射外國衛星也失敗,(一次火箭爆炸,二次不知去了那裡),令外國公司連想到大陸是否真的掌握了這技術或純粹是(好彩),況且保險公司也不再受保了自賠了兩次大野後,所以現在除了自用外再無外國公司發射了.但自用也爆這些是什麼人

發表迴響

你的電子郵件位址並不會被公開。 必要欄位標記為 *