砂拉越

砂拉越 政府準備追馬來西亞走數

中國外交部講《中英聯合聲明》不具現實意義果句果陣,一定以為自己好爽。只不過, 砂磱越 政府依家做緊一件事,會搞到你中國政府十分之唔爽,甚至係連帶影響香港,呢個就係 砂磱越 政府律師團,前往倫敦搵1963年馬來西亞協議嘅資料。呢件事會揭開馬來西亞瓦解嘅序幕,甚至係香港歸英嘅第二步嚟。

砂拉越 都可以因國際協議離開馬來西亞

馬來西亞聯邦本身,其實都係一個喺國際協議下構成嘅國家,建基於英國、馬來亞聯邦、北婆羅洲(沙巴)、 砂拉越 同新加坡五方協議而建立,並且喺 Malaysia Act 1963正式落實。所以做過政務官嘅東姑拉曼知道拉晒新加坡李光耀班友一定會膠到核爆,喺1965年8月9日傾唔掂數寧願踢新加坡出街,新加坡突然間獨立成一個國家,其實同呢份國際協議有密切關係。只不過當年新加坡係走得太匆忙,匆忙到英國都唔知李光耀同東姑拉曼玩啲咁嘅嘢,所以新加坡至出現依家呢個膠味濃郁嘅總統制。

其實依家 砂拉越 做嘅嘢好簡單,如果證實馬來西亞聯邦政府走數, 砂拉越 政府就要求英國做嘢,其實結果係 砂拉越 恢復成為英國直屬殖民地,然後再尋求自決,所以 砂拉越 政府代表團訪問倫敦,話就話搵資料,實際係正式要求倫敦出手介入,一如游蕙禎MP寫俾英國政府果封信一樣。依家好多馬來西亞華人都唔知依家發生乜事,但 砂拉越 人同香港歸英派好知道呢劑玩啲乜,馬來西亞咁走數,如果英國唔再因走數而claim back 砂拉越 主權, 砂拉越 就可以名正言順走向獨立,馬來西亞聯邦就會瓦解,因為 砂拉越 一走,跟住柔佛都會走,或者同新加坡組成共主邦聯,跟住檳城好大機會歸英或走上新加坡之路,跟住你覺得香港會無嘢發生?檳城、新加坡、香港係南洋英國力量嘅鐵三角,呢個係大家都知嘅事嚟。

所以中國外交部係一班蠢才嚟領導就係咁解,國際條約嘅數唔可以走,呢個係全球化年代嘅常識,你孭唔起責任就咪簽國際條約。 砂拉越 會因馬來西亞協議引發馬爆,呢件事兩三年前我已經知,但我估唔到 砂拉越 政府堅做嘢到咁。

都係果句,《中英聯合聲明》就係玩完咗,之前有正式出聲兼有民意授權嘅人,一個係依家香港流亡元首彭定康,一個係游蕙禎MP,一個係黃之鋒(或羅冠聰MP),你鍾唔鍾意佢都好,個掣確係佢地㩒咗。Boris Johnson係鍾意玩膠聞名,係唔係北京有人中咗伏都唔知, 我唔提佢。只不過,香港最後點歸英都好,都同熱普城、以及左膠無關。依家至想補飛,早抖吧,政治投機分子。

發表迴響

你的電子郵件位址並不會被公開。 必要欄位標記為 *