二二八-香港-min

中國喺香港搞出 二二八 翻版只會死路一條

二二八 受難者家屬討論香港局勢果陣,已經擔心香港出現 二二八 翻版。多得林保華夫婦多年以嚟奔走,台灣獨派明白香港同台灣喺策略必為聯盟,所以我話黃毓民果套香港人唔駛理中國或台灣狀況嘅論述,係outdated嘅國民黨二手有毒垃圾亦係咁解,係果啲滲透入獨派嘅國民黨人摻入嘅垃圾論述,搞到港台聯盟遲咗好多出現。但中國喺香港,又玩唔玩得起 二二八 。我可以講,中國敢講,就一定係死路一條,十分之大鑊。

二二八 喺香港出現會搞出國際級災難

二二八 發生果陣,其實當時台灣原本嘅居民處於一個不利處境,就係當時中華民國係戰勝國,又受共產黨攻擊,所以國際社會明知國民黨做緊仆街嘢都隻眼開隻眼閉,一如當時西班牙同葡萄牙都係國際社會任由仆街法西斯政權統治一樣。而日本仲喺被佔領狀態,根本係無法照顧到前殖民地,後嚟日本政府俾韓國同台灣民眾特別永住,以及日本庇護史明,已經係十分之大嘅例外。

香港唔同,香港有三百幾萬英籍人士,再加上香港係國際條約建立嘅城市,又有幾十萬唔同國籍嘅人士住喺度,至少好多加拿大公民嘅子孫喺度,如果中國搞出 二二八 ,引起大量英、美、澳、紐、加等國國民傷亡,結果就係第三次世界大戰都可以打。呢個係一直土共只敢偷雞摸狗想立廿三條,但遮打革命要佢開槍鎮壓,班友根本無種嘅原因,呢個亦係點解中共依賴黑社會人士。所以最好對付黑道人士嘅方法,就係全部有份搞屎搞尿果啲仆街,一律點相,並交各國執法機關存檔,以後乜嘢走粉販毒,人口販賣等等,全部入晒呢班香港黑道人士嘅數,呢班友邊度都唔駛去。

中共究竟有幾瘋狂,香港人好快會知,只不過,香港有必要加強向國際社會講,香港需要西方列強保護就係。

相關連結:
http://www.peoplenews.tw/news/e66ee3dc-267f-4710-9cd3-3520fb5b0353

後話:林保華係中共黨史專家,亦喺印尼長大,某程度上,佢地係我呢代在港印尼華人嘅學習對象。香港欠林保華夫婦,實在太多。

發表迴響

你的電子郵件位址並不會被公開。 必要欄位標記為 *