彭定康-歸英-min

彭定康 勳爵嘅訪問與北京愚蠢聲明:歸英之路揭開序幕

彭定康 勳爵喺接受Daily Telegraph訪問中,表達佢想返嚟收拾香港殘局嘅講法後,中國外交部班蠢才之後就講《中英聯合聲明》只具歷史意義,即係失效,跟住英國外交部就話《中英聯合聲明》作為國際條約仍然有效。其實中國外交部自己㩒著咗歸英之路嘅大炸彈都唔知,華人嘅國際法常識係十分之弱,應該咁講,佢地呢班華人對現代主權國家嘅基礎,現行嘅Westphalian sovereignty一無所知。我喺德國North Rhine-Westphalia州寫呢篇文,可以講係「淪陷日休息」嘅特別版,我要解釋依家嘅特殊狀況。至於BNO相關,我會另外寫特別收費版。(如果可以提供果件喺英國嘅澳門人真身資料,可獲免費文章資料,但我要埋果條友真身facebook account)。

彭定康 訪問開始

依家一切嘅討論,都要由 彭定康 嘅訪問講起,先睇呢段 Daily Telegraph 嘅訪問

點解香港一開始唔可以用公投嚟解決,其實同直布羅陀無法獨立問題一樣。直布羅陀係因為Treaty of Utrecht有條怪到無朋友嘅條款,

And in case it shall hereafter seem meet to the Crown of Great Britain to grant , sell or by any means to alienate therefrom the propriety of the said town of Gibraltar, it is hereby agreed and concluded that the preference of having the sale shall always be given to the Crown of Spain before any others.

用香港語譯,如果大英國王要俾、賣或唔要直布羅陀,必須得到西班牙國王同意,並且得到購買優先權。所以直布羅陀只能用公投留喺英國,唔可以獨立。同樣,香港因為界限街北部果個古怪租約,所以除非解決「中華民國問題」(唔明自己睇膠觀點),否則一定要等中華人民共和國走《中英聯合聲明》

現代嘅Westphalian sovereignty其中一點好重要,特別喺歐洲,所以國際條約必須認數,你想走數就唔好簽,所以英國人死都唔簽ECHR Protocol 4,因為佢地知一簽實走數。而簽咗,果條友就講緊世世代代都要找,點解1914年英國以比利時嘅中立為理由同德國打,點解日本人曾經因一條1912年嘅條約,大家唔記得咗佢,但有日本人竟然為咗搵茶道師傅搵番1912嘅條約出嚟,將日本人喺當地嘅work permit限制取消,直至荷日兩國政府修訂條約同法律,喺歐洲,無條約係叫只具歷史意義,今日直布羅陀都可以因1713年嘅條約,搞到依家成為brexit一大障礙之一,日本人可以用條1912年嘅條約,解決茶道師傅問題,你話《中英聯合聲明》係死嘅,我覺得依家中華人民共和國嘅無知,同大清帝國係有得揮,甚至更衰。至少康熙帝期間,尼布楚條約係用耶穌會教士協助下用拉丁文同俄羅斯帝國簽(所以大清帝國一早係Westphalian sovereignty體系成員,係中國人自己走數)。

而中華人民共和國用官方聲明話《中英聯合聲明》無約束力,其實係十分之大件事,因為《中英聯合聲明》附帶中國嘅政策聲明,呢個係《基本法》基礎嚟,咁陳雲仲講乜嘢永續《基本法》請佢早少少休息,或做番民俗學研究。而成個聲明void晒,係會出現一大堆連環問題。

  1. 香港土地產權不受保障
  2. 香港普通法體系不受保障
  3. 香港喺聯合國兩份人權公約適用上不受保障
  4. 林鄭月娥嘅權力都不受保障
  5. BN(o)上嘅居港保證一樣不受保障

所以呢個係會一個炸彈嚟,大家唔知仲記唔記得游蕙禎MP喺去年十一年致函英國果封信,如果知道光榮革命嘅歷史,其實知道呢封信搞緊乜,呢封信係Invitation to William嘅香港版,只不過今次香港得一位MP做,呢封信當年係七位英國國會議員,包括House of Commons Edward Russell, Thomas Osborne同William Cavendish三位MP,要求喺荷蘭嘅威廉王帶兵攻打英國,趕走詹姆士二世。英國人為咗搞掂不義暴政,叫外國君主帶兵嚟英國,封埋佢做君主,簽訂《權利憲章》都仲得。你話游蕙禎MP果封信算得乜,呢封信,就係今日肥彭,同較早前英國外相Boris Johnson做嘢嘅基礎。而中國咁樣走數,係一定有代價。只不過,熱普城同好多左膠,都係唔識國際法,所以至會亂咁當人係傻。

至於《維也納條約法》果度點講,可以參考番我之前寫過嘅文章

  1. https://martinoei.com/article/8820/點解香港要-歸英-:維也納條約法條約
  2. https://martinoei.com/article/9325/去信英國-:-歸英定-獨立-都由此路起

總之,巨變已經來臨,依家唔係講風涼話或者食花生嘅時候,都係果句,潮退之後,就知海裡面邊啲人係無著褲裸泳。

One thought on “彭定康 勳爵嘅訪問與北京愚蠢聲明:歸英之路揭開序幕

  1. 請問中華人民共和國單方面宣佈唔遵守中英聯合聲明,咁英國政府亦需唔需要繼續遵守附件關於國籍同居留權?可唔可以同時違約派BC?

發表迴響

你的電子郵件位址並不會被公開。 必要欄位標記為 *