Tour de France-min

Tour de France 保安都遠無習大大訪港咁嚴

今年七一我唔喺香港令自己眼冤,我喺德國 dusseldorf 公幹,適逢今年嘅環法單車賽 Grand depart 喺 dusseldorf ,咁我去萊茵河邊睇,喺恐襲陰影下嘅歐洲,堅有恐怖分子嘅歐洲,究竟係點做保安嘅呢,會唔會好似香港警察迎接習近平咁,封X晒啲路,整晒水馬,仲要拉鬼晒啲示威者。

Tour de France 都唔駛封場啦

Tour de France-min
Tour de France-min

有圖有真相,喺 dusseldorf,萊茵河邊嘅食肆照常營業,連李氏力場旗下嘅Rossmann都係,市民可以近距離歡迎選手,現場有州警察、有專為環法賽車嘅保安人員,但我唔見水馬,鐵馬只不過係防止旁觀群眾誤入賽道。如果要搞到揸MP5嘅防守,仍然係Dusseldorf HBF,只不過Dusseldorf HBF重兵防守可以理解,因為Dusseldorf嘅美國總領事館,就喺Dusseldorf HBF隔離嘅政府大樓,如果真係要搞恐怖襲擊,係都要搞到Dusseldorf HBF先喇,係唔係?

所以依家香港為習近平訪港採取嘅保安安排,好明顯係要防範示威者用,而唔係真係反恐,如果講反恐,歐洲真正喺恐襲陰影下,一街著住伊斯蘭服裝嘅中東人,跟住仲要果啲活動係真正嘅國際級活動,唔係所謂佔領香港廿週年喺度打飛機,仲要呢排美國指導下嘅伊拉克軍方,真係攻入摩蘇爾舊城區,包括巴格達迪宣布成立DAESH果間清真寺,雖然間寺已經被DAESH炸咗,啲狂人嘅心態,實在係難以理解。而DAESH呢排,係有可能發癲,等外界以為,DAESH係仲有一定實力,並無被擊敗,雖然呢班人渣,除咗做人渣,根本唔識真正嘅軍事。

要比較香港果啲保安安排係唔係合理,只要比較吓真係受到恐襲威脅嘅國家,人地實際上係點安排,就知道合唔合理,一如香港果次WTO部長級會議啲保安安排係黐線,因為依家好清楚,呢個世界最大嘅保安威脅,無嘢黐線得過DAESH或拉登組織,而香港啲示威者,和理非到一個點,中共係有幾反人民,其實唔難比。點解有唔少持歐盟護照嘅華人,可以為咗自己利益掩住良心,我好想知。

發表迴響

你的電子郵件位址並不會被公開。 必要欄位標記為 *