王光亞-劉江華-min

香港特區政府內部運作關 王光亞 叉事

臨近香港被中國佔領20週年,就越嚟越多好似牛鬼蛇神咁嘅怪事出現,好似劉江華同陳肇始兩位局長,居然可以唔要面到,話曾經同港澳辦主任 王光亞 討論過政策局嘅工作,就係當中嘅好例子。中國共產黨喺香港玩內地延長主義式殖民統治,又推進新一步,簡直係當英中聯合聲明係隱形咁滯。

王光亞 理論上只會接觸內地及政制事務局局長

理論上,香港特區政府喺國防同外交兩方面運作以外嘅事,係關 王光亞 叉事,一國兩制,高度自治係太含糊,用《銀河英雄傳說》,尤里安領導伊謝爾倫共和政府,同銀河帝國政府締結嘅條約,以伊謝爾倫要塞控制權,換取巴拉特星域(自由惑星聯盟嘅故土範圍)內政自治權,果種至叫算數。換言之,除咗律政司司長、政務司司長喺個別情況下需要見 王光亞 ,以及負責同中國事務接觸嘅內地及政制事務局長要同 王光亞 合作,其他局長嘅工作,特別係食物及衛生局同民政事務局呢啲咁香港內部運作嘅部門,關係 王光亞 叉事,所以我唔明陳肇始同劉江華兩條友,有乜嘢係一定要同 王光亞 傾嘅。

其實呢兩條賣港賊同 王光亞 交代工作,反映中共對香港嘅控制,隨林鄭月娥上任更進一步,曾蔭權年代,係韓國統監府同大韓帝國政府關係嘅話,咁梁振英年代,同林鄭月娥年代,事實上係朝鮮總督府直接統治朝鮮半島嘅情況,香港原有嘅人,肯賣屎忽嘅,就可以喺中國分配之下,有番少少權力,但唔肯賣屎忽如曾俊華,就只有選擇自我流放,而曾蔭權呢個cheap精,係唔係cheap精性格俾共產黨睇中當中弱點,再設計玩佢,一如日本帝國當年玩大韓帝國高宗一樣,我已經唔可以排除呢個可能性,畢竟依家中國吞併香港嘅手法,越嚟越有當年日本帝國吞併大韓帝國果種味道。所以曾蔭權爵士受害,係咪涉及一場政治陰謀,呢一點,大家可以細味一吓。

只不過,依家亦唔係1905年日俄戰爭之後嘅日本同大韓帝國,日本1902年英國簽英日同盟,當時日本真係一個旭日東昇嘅新國家,但依家嘅中國,係一個扮晒勁嘅東亞病夫嚟,而國際社會亦唔會好似當年任由日本吞併朝鮮咁做。所以,中國好自為之。

發表迴響

你的電子郵件位址並不會被公開。 必要欄位標記為 *