李顯揚-香港-min

李顯揚 突現身香港:搞邊科

李顯揚 就李光耀故居嘅去留問題公開炮轟李顯龍,已經搞到去到收唔科嘅地步,作為新加坡民航局主席嘅 李顯揚 ,突然同佢已經辭去律師樓高薪厚職嘅另一半,出現喺香港國際機場,仲要係入咗境果隻,究竟係純粹嘅商務聯絡,定係有人要流亡海外,真係天曉得。

李顯揚 如果真係流亡海外就變氫彈

呢次 李顯揚 、李瑋玲聯手挑戰李顯龍事件,雙方招數之辣,可以講係自1961年新馬合邦公投以嚟,最狼胎嘅一次,甚至更狼胎。1961年馬共都係用武裝,而且有中共撐腰,唔係太講道理,但 李顯揚 同李瑋玲係揸住李光耀嘅遺囑,有十足嘅法理依據去打,如果真係有實質證據,李顯龍係迫走 李顯揚 ,咁喺新加坡係極之大件事,因為全新加坡都知, 李顯揚 同李瑋玲係對政治無興趣,佢地有呢個段數嘅政治實力,唔代表吓吓都出嚟掟核彈,畢竟喺南洋人嚟講,政治係一定要極有使命感嘅人至會做嘅工作,如果迫到 李顯揚 賭晒成個人同你李顯龍玩落去,對新加坡未來震撼有幾大,真係可想而知。所以我喺昨日新加坡《聯合早報》嘅文章嘅方案,係尋求折衷方案,避免新加坡出現政局嚴重惡化,因為新加坡政局持續惡化落去,對成個南洋,甚至香港係一啲好處都無,係只得睇熱普城白痴嘢太多嘅人,至會覺得呢啲花生係好好食,但對我呢個印尼背景濃厚嘅人,絕對唔係南洋再度陷入混亂,特別IS班人渣想喺南洋搵地方落腳果陣。

我相信 李顯揚 依家唔會講佢去香港搞邊科,同埋佢下一站喺邊,畢竟7月3日國會大辯論之前,新加坡仍然會乜事可以發生,而各方試圖尋求談判空間,呢樣亦都係一件肯定嘅事。但我個人睇法係,呢件事為新加坡前途,南洋安全同各方利益著想,最好喺新加坡拆掂件事,更加唔好涉及中國政府,畢竟中共成日想喺新加坡抽水,對新加坡以華裔為主嘅人口嚟講,堅係太危險。如果 李顯揚 同李瑋玲醫生真係流亡海外,就係政治核彈變政治氫彈,不單威力強大,而且波及之處寸土不生,而馬爆在即嘅柔佛州、砂磱越州同沙巴州,以及經濟危危乎嘅汶萊,更加會頓無依靠,唔通靠同樣由Action Party領導,但未獨得立嘅檳城咩?

發表迴響

你的電子郵件位址並不會被公開。 必要欄位標記為 *