蔡若蓮

蔡若蓮 根本係代表共產黨要洗香港人腦

蔡若蓮 做教育局副局長,變成咗近日最具爭議性嘅政治事件。由三個方面睇, 蔡若蓮 根本係中共,同埋張曉明派嚟洗香港腦嘅人,就算佢返咗教育局都好,都要用群眾運動千方百計趕呢個搞細路仔嘅共產黨書記出去,而幫呢位書記啲鄧德德,更加要全方位對付,包括facebook block and report呢個人。

蔡若蓮 根本係黨嘅人

首先, 蔡若蓮 肯定係黨嘅人,喺一般土共中學教書,未必代表佢係黨嘅人,但如果佢係土共中學嘅副校長,同埋教聯會高層,就一定係共產黨嘅人,呢條友依家係做緊中共駐香港教育局嘅黨委書記,仲衰過吳克儉呢件廢柴,吳克儉都只不過係一個貪mileage嘅死cheap精,黨嘅人比cheap精更加仆街,所以呢個理由已經要阻佢上位。

由本土嘅立場, 蔡若蓮 係「華教中」嘅大推手,毀滅香港語文嘅人,就係香港嘅敵人。「華教中」唔係用南洋或台灣標準華語,而係用北京華語,果啲華語唔單只無助年青一代掌握良好嘅中文,相反,共產黨將中文俄化,共產化,搞到中文不倫不類,簡直係毀滅中華文明咁滯,點解我唔見果啲成日開口埋口講本土嘅人去要求打倒 蔡若蓮 呢個人,我呢排,已經覺得自己喺呢方面反應遲鈍,如果果啲claim自己係本土派嘅,喺 蔡若蓮 任命問題上無立場,我真係會質疑係唔係玩熱普城式假本土。

而國民教育呢個問題,更加係無得傾,香港有大批拒絕認同中華人民共和國嘅各族裔人士,當中有好多係持非中華人民共和國護照,點解要迫大家認同中華人民共和國?呢啲仲唔係違反英中聯合聲明嘅野蠻作為,認同乜嘢國家,係每一個人自己嘅良心問題,唔係政權事,要洗腦就更加要將洗腦嘅人趕出去,乜大家好想重複納粹嘅悲劇咩,呢啲悲劇大家嫌重複得唔夠多?

一定要採取行動趕 蔡若蓮 走,今年七一其中一個口號可以係 蔡若蓮 仆街,而果啲依家撐 蔡若蓮 果啲人渣,例如鄧德德,更加要大家向佢說不,似乎大家應該採取行動,report香港政研會以及鄧德德相關嘅facebook戶口,以及其支持者帳戶,反正五毛都不斷惡意舉報他人戶口。

發表迴響

你的電子郵件位址並不會被公開。 必要欄位標記為 *