彭定康-不光榮撤退-min

彭定康 宣布不光榮撤退之後

喺香港被中國佔領20週年之際, 彭定康 發表咗回憶錄,只不過,呢個回憶錄同 彭定康 以往嘅著作同回憶錄都唔同,因為 彭定康 嘅身份,以及回憶錄發表嘅時機,甚至佢講嘢嘅內容,有可能觸發英國未來對香港政策嘅重大改動。

彭定康 宣布不光榮撤退係恥辱

對於主動要求獨立嘅殖民地,英國人唔講乜嘢光榮撤退,因為有人要求撤退,就唔會係光榮,唔搞到焦頭爛額都執得一身彩。但對於唔係主動離開嘅屬地,或者獨立過程攞唔到最大共識嘅地方,就係另一回事。好似馬來西亞要保留英國海外公民呢個怪身份,同埋馬來西亞要喺一條國際條約下整合為一,其實都係因為當初嘅獨立有好大嘅問題。昂山素姬一直得到英國支持,唔只因為佢老公同子女係英國公民,更因為當年昂山素姬嘅老豆昂山將軍被殺,本身係英國撤退史上嘅恥辱,所以英國一直努力找數直至今日緬甸成為一個民主國家為止。所以詹德隆至一直講,英國想喺香港要,其實係光榮撤退,特別喺全球化年代,啲企業都唔受政府節制下,英資財團利益關英國政府班政客叉事咩。

但依家 彭定康 用佢自己嘅回憶錄,加上牛津大學校長嘅身份,話香港嘅撤退係不光榮撤退,呢個喺英國歷史上欠嘅帳,仲大過當年昂山素姬果筆,所以英國會有政策上嘅大轉變,而呢樣嘢,係一直唔講榮譽嘅華人想像唔到嘅。英國無錯,唔係日不落帝國,但亦未淪落到係一個唔要面國家,一如中華人民共和國一樣咁唔要面。所以所有象徵住不光榮撤退嘅退讓,或者妥協,都會喺可見嘅將來會陸續撥亂反正,或者對香港人嚟講有任何實質上嘅補救,但對英國人嘅面子嚟講,至少係有所彌補,未至於係百分百嘅恥辱。

好少英國前殖民地嘅總督,會為一個前殖民地講咁多嘢,甚至為前人民請命到呢個程度,雖然佢仍然堅持部分不必要妥協係合理,呢個喺英國殖民地歷史嚟講,其實係無乜先例,更加唔好講一個殖民地嘅前總督,對殖民地嘅人民帶嚟前所未有嘅民主啟蒙。但無論如何, 彭定康 呢本回憶錄並唔係一般嘅回憶錄,因為呢本書係英國人寫香港史嘅重要文本,依家香港歷史只不過係一個新開始。

發表迴響

你的電子郵件位址並不會被公開。 必要欄位標記為 *