李顯揚-min

李顯揚 放出最重要嘅政治核彈

新加坡總理府,近日被嚟自 李顯揚 同李瑋玲嘅政治核彈狂轟,而 李顯揚 喺6月22日(新加坡時間)放出最重要果粒核彈,就係 李顯龍 夫人何晶喺無任何官式頭銜,或適當授權之下,代表總理辦公室攞走咗部分李光耀嘅遺物,呢件事李顯龍嘅技術錯誤,足以致命。

李顯揚 一刀攞命

如果李顯龍要攞走李光耀嘅遺物,係以佢私人名義,何晶係李顯龍老婆,當然無問題,但果陣李光耀已經彌留而未死,果陣其實何晶已經唔可以用私人名義攞任何嘢。而依家係用總理府名義攞,就仲大鑊,如果李顯龍派個公務員,係總理府嘅公務員嚟,合情合理無嘢好講,但何晶係淡馬錫控股嘅員工,而唔係總理府嘅員工,總理夫人唔係總理府裡面嘅任何可以做嘢嘅頭銜嚟,咁就真係大劑到一個點。呢件事,就變咗梁振英老婆周圍去撻朵迫人做嘢一樣,呢件事,新加坡人係零容忍嘅,李顯龍嘅政治資產可以一夜之間輸清光。

之後李顯龍話係李光耀死後至攞,就越解越衰,因為李光耀一死,佢嘅遺物可以點郁,係 李顯揚 同李瑋玲作為遺產執行人可以話事,何晶唔係受益人,咁樣攞走啲嘢,可以視同偷竊, 李顯揚 如果走去報警就真係膠到無朋友。成件事可以見到,李顯龍欠缺佢老豆李光耀果種法律訓練,一應付呢啲政治硬仗就中咗伏都唔知,呢次就十分之明顯。 李顯揚 同李瑋玲由頭到尾都喺主動位置,一路等你犯錯,結果李顯龍就硬食一個頂級核彈而唔知點收科。我諗呢單嘢,李顯龍捱唔唔捱到7月3日國會質詢都成問題,工人黨一call select committee,我睇唔到李顯龍仲有幾多位可以走。

有人唔識新加坡政治,就話呢單嘢同錢有關,我真係只能鄙視呢班突然評論新加坡政治嘅友仔。我諗我喺新加坡報章評咗政治足足十七年,包括評論當地政治在內,我都知依家發生緊乜事。李顯龍呢次犯嘅技術錯誤十分嚴重,而且難以補救,因為無適當授權嘅人,係唔可以掂李光耀任何嘢,呢個係保護自己嘅唯一方法,無其他嘅方法。而依家 李顯揚 明顯有一啲法律好勁嘅人backup佢(佢老婆係律師),而李顯龍身邊無法律專家,一去到呢啲技術位置,保證出事。

發表迴響

你的電子郵件位址並不會被公開。 必要欄位標記為 *