董建華-暴斃-min

賣港求榮 董建華

大家有無發現,最近 董建華 又好活躍。作為一個退役政客,無理由要活躍成咁。只不過,大家昨晚有睇《華爾街日報》嘅報導,中國政府將會買 董建華 家族旗下嘅家族企業東方海外貨櫃業務果陣,就會恍然大悟,點解呢件賣港人渣又出嚟獻世。

董建華 再賣港嘅背景

東方海外貨櫃航運,喺中國經濟起飛果陣,攞到唔少著數,一方面以香港作為基地港口,本身有轉口優勢,另一方面, 董建華 同中國政府關係良好,佢又係中國政府嘅統戰對象,只要攞到唔少生意。只不過,近年中國經濟越嚟越差,喺去年,東方海外貨櫃航運業務,蝕咗成億美金,東方海外之後就要依靠地產業務,只不過,依家中國地產係乜嘢景況,其實大家都心照,所以 董建華 要再度走返出嚟出賣香港人嘅屎忽,去救佢嘅家族生意。而結果就係中遠有可能用四十億美金,去買 董建華 家族留番嚟嘅貨櫃王國,如果合併成功,中遠集團可以成為世界第三大貨櫃航運集團,如果由中國政府要打「一帶一路」飛機嘅角度,再加上可以用 董建華 出嚟賣香港人,都有佢價值。

只不過 董建華 賣香港人屎忽嘅行為,同時亦係搵中國政府老襯,因為東方海外航運嘅負債比較高,加上依家中遠同東方海外貨櫃航運,仲有由綠轉藍嘅長榮集團,以及由淡馬錫控股手上買咗海皇輪船同美國總統郵船嘅法國達飛集團,都係大洋聯盟嘅成員,喺貨櫃界,唔同貨櫃公司喺航線上嘅聯盟,同飛機上嘅星空聯盟、寰宇一家等概念好似嘅。所以同一航運聯盟嘅成員公司相互合併係無point,一般合併都會係搶咗人地聯盟嘅成員,例如福景魚拉特(聯合航空)當初併購大陸航空,就係搶走咗SkyTeam(天合聯盟)喺美國嘅關鍵成員,俾SkyTeam好致命嘅一擊。但依家東方海外同中遠同一個聯盟,又有乜嘢意義,呢個只會變咗係江系泵水俾老董救佢自己嘅家族公司,如果我係習近平就搵人開老董同老江嘅file,仲俾佢地攞中國政府啲錢係咁自己分,家族生意搞唔掂就賣完香港又賣中國,呢班友真係做得好鬼爽。

所以香港人憎 董建華 入骨,絕對有佢嘅理由,好明顯,佢十分之精明,唔係無能之士。

發表迴響

你的電子郵件位址並不會被公開。 必要欄位標記為 *