李顯龍-熱普城-min

點解我話 李顯龍 係被「拷問」?

有時候,香港寫國際嘢最大敵人,未必係土共,正如有時中國半官方中新社都會轉載我喺《聯合早報》嘅文。反之,果啲對海外事務一知半解嘅熱普城中人,或者一啲好鍾意以為挑戰評論人就叫好醒嘅盲毛,至係問題。我早一兩日話 李顯龍 被「拷問」,跟住果啲連英文grilled都唔知嘅友仔,就喺度抽稱,或又重複新加坡係獨裁國家嘅陳腔濫調。

唔識又扮識,只識得拜神嘅熱普城讀者

本來話一個政客就一啲醜聞上國會被質詢 to be grilled,係睇慣西敏寺政體嘅人嘅慣常講法,咁譯做香港語文咪「拷問」,係唔係有更好譯法俾到我。呢點都算,跟住果啲重覆又重覆嘅陳腔濫調,至係突顯呢班友嘅無知,甚至係眼界淺窄。

呢次 李顯龍 係指令PAP lift the party whip,喺西敏寺體制之下,lift the party whip即係可以不隨黨意投票或發言,亦不被追究。如果 李顯龍 有心要扮開明,但又唔係真開明,可以保持party whip,但佢無咁做。PAP裡面,唔係個個支持 李顯龍 ,有唔少人企喺李顯揚同李瑋玲果邊。果啲膚淺言論,可以反映有部分熱普城,根本唔識西敏寺體制下party whip嘅重要性。唔怪得,呢班友會白痴到信果啲永續基本法嘅奇談怪論,有啲人個底就係弱。

同埋一lift咗party whip,如果 李顯龍 解釋得留有疑點,可以玩番自己轉頭,工人黨已經要求政府同意成立Special Select Committee,香港同類物體就係《立法會(權力及特權)條例》下嘅委員會,如果 李顯龍 搞出一大堆疑問,工人黨動議要成立Special Select Committee,有堆PAP嘅人贊成, 李顯龍 係完全無法阻止,因為黨員係獲秘書長授權以自由意志行事。所以,有人話 李顯龍 係賭撚,我同意,因為7月3日嘅ministerial statement一衰咗,搞到李瑋玲同李顯揚上國會同 李顯龍 對質果陣,新加坡乜事都可以發生。新加坡始終係行英式邏輯,佢係old-fashioned嘅英式邏輯,但已經贏過晒香港啲幼稚園政治。

呢班成日話要「建國」嘅仆街,講少句無人話你啞。

發表迴響

你的電子郵件位址並不會被公開。 必要欄位標記為 *