林鄭月娥-國教-min

林鄭月娥 嘅丈夫子女都脫離英籍至講國民教育

中共洗腦一向係「由娃娃抓起」,果然張曉明深明此道,迫 林鄭月娥 講,要喺幼稚園灌輸香港人就係中國人嘅思想,重新大搞洗腦教育。當然, 林鄭月娥 又搞國民教育,一定係自殺,因為香港年青家長最憎呢種搞細路行為。另一方面, 林鄭月娥 亦係最無資格反國民教育果個。

林鄭月娥 點解最無資格講國民教育

其實國民教育呢樣嘢,最講係以身作則,雖然好多人都唔妥土共,但土共以往都有以身作則,好似羅孚,真係送子女去中國讀書,日後佢地變晒反共分子係另一回事,但至少佢地做番佢地講嘅嘢,所以以往土共有人信,都唔係無基礎。依家? 林鄭月娥 個細仔係聯合王國數學奧林匹克隊代表嚟,係代表聯合王國出戰,唔通反港獨係要捍衛聯合王國於香港主權?如果係作為「聯合王國子民」嘅國民教育,我唔拘架,但明顯唔係果回事囉。

依家香港土共之所以被人鄙視,因為個個都係子女袋住西方國家護照,或者好似 林鄭月娥 本人咁,透過歐盟法律袋住半本外國護照,然後迫啲小市民愛中共,但維穩啲著數佢地攞晒,呢班友根本係一班賣港求榮嘅人渣嚟,所以土共同依家啲親共人士越講反港獨,越講民族主義,市民越唔會信亦係咁解,香港人唔係盲嘅,食相核突到咁,條街啲人係睇到。所以如果呢班友再講國民教育,愛國之類,唔該全部人都出示佢啲子女丈夫妻子嘅退出外國國籍證書先好講嘢,唔好揸住西方國家護照,從事啲違反民主價值嘅行為。點解依家西方國家嘅入籍誓詞,全部加晒捍衛民主價值果句,因為中國人一發誓當食生菜,可以用發假誓為理由註銷佢地「辛苦」攞番嚟嘅外國護照,佢地走難夢就落空。

後話:睇完 林鄭月娥 要搞國教嘅新聞,我就明點解澳門人在英國呢個匿名五毛係咁做嘢,因為 林鄭月娥 嘅居歐權係會影響佢接中共柯打,所以統監府搵咗個關心香港多過關心澳門嘅所謂澳門人做嘢。只不過,立場新聞都未必太核突,我都知蔡東豪當年點解我恐懼,我都同情嘅,但你鍾沛權啲手下嘅行為都未必太核突。呢啲身份不明嘅人都幫佢出文,立場新聞仲係唔係當年果個主場新聞,大家諗真啲。

想discredit一條友,或者想攞到果啲paywall後面嘅資料,唔該用好睇啲嘅手段,不過我會鼓勵大家舉報澳門人在英國嘅任何專頁及相關戶口,大家亦唔好再睇立場新聞,仲熱血時報同香港01一樣咁衰。

發表迴響

你的電子郵件位址並不會被公開。 必要欄位標記為 *