駛乜過澳門賭,入銀行就得

呢排金融風暴,最黐線嘅一件事係,突然多咗好多人,拎住自己嘅投資產品,然後問我果啲產品係咪有問題,無啦啦做咗金融產品鑒辨員。

我平日好少喺呢度寫財經,但我平日嘅工作,有部分係財經相關,我知果啲係乜。不過,睇完果堆個案至大開眼開,依家銀行班友,為咗賺錢真係乜都得,明明係買大細對賭,都包裝成乜乜高息投資產品,真係班友可以出嚟做千王群英會。

不過成件事最離譜係,依家衍生工具根本玩到走火入魔,唔好講澳門,就算馬會足智彩都無咁多花款同陷阱,但明明係賭博,都可以包裝成投資,仲要用deception手段引人入局,我聽完唔慶就假。

以後銀行唔應該叫Bank,叫Casino就得,駛乜過大海搵何鴻燊,香港賭場多過米鋪。

One thought on “駛乜過澳門賭,入銀行就得

  1. 美國FBI已經介入調查包括雷曼兄弟在內的金融機構是否出現詐騙行為。唔知幾時輪
    到香港警方的商業罪案調查科做野呢﹖

    不過香港的警方對於金融行業這方面的認知是否足夠有能力進行調查呢﹖

發表迴響

你的電子郵件位址並不會被公開。 必要欄位標記為 *