柏立基-min

柏立基 未能俾香港自治:因為中共野蠻

CNN報導,根據最新解密文件, 柏立基 俾唔到香港自治,因為中共野蠻威脅,如果英國俾香港變成新加坡第二,就會攻打香港。面對一個咁野蠻無賴嘅國家,英國為避免人道危機,唯有按兵不動。

柏立基 本來派嚟做港督就係俾香港自治

大家要了解 柏立基 嚟香港做總督前,佢係新加坡總督,當時新加坡由海峽殖民地,走向成為一個自治領,並且為最終成為馬來西亞聯邦一部分,呢個安排嘅推手,就係 柏立基 ,馬共喺新加坡已經焦頭爛額之際,中共相信 柏立基 嚟香港,根本係為咗推動香港變成另一個新加坡,喺新加坡嫌輸唔夠,所以周恩來就完全暴露出共產黨人嘅野蠻嘴臉,要脅要入侵香港,雖然 柏立基 做咗一定嘅改革,最終無辦法推動香港成為自治領。毛澤東煽動果班極左派,爭啲喺1967年食咗香港落肚,好彩戴麟趾同英國人企得硬,香港至可以一路捱落去。

由楊慕琦、 柏立基 ,到BNO唔可以有居英權,真正害香港人嘅,就係中國共產黨,以及中國野蠻民族主義,所以香港人認同自己係中國人,根本係唔理智同黐線,中國人同中共,都係香港嘅敵人,無論乜嘢時間都係,點解要對敵人咁鬼好?越知道香港歷史嘅真象,你越會痛恨中國果種野蠻,越會有直布羅陀人嘅心態。直布羅陀人好多血統上同西班牙有關,但直布羅陀人,寧願受制烏得勒支條約,永遠做英國海外屬土,都唔同西班牙統一,就係因為西班牙果種野蠻態度,你見西班牙人對加泰隆尼亞同巴斯克嘅態度都心涼晒,同樣,你見到中國對台灣、西藏同東突嘅態度,你仲讚好嘅,我只會覺得果條友嘅士多貢候群症實在太嚴重嘞。

我嘅睇法好簡單,依家中共一次又一次扼殺香港民主好清楚,周南同張曉明固然係香港嘅敵人,支持中國持續喺香港擁有主權嘅人,都會係香港嘅敵人。仲有大中華膠要幫中共講好說話,包括抹黑BNO,以及抹黑英國唔俾香港民主,叫佢地解釋吓周恩來搞乜鬼,點解 柏立基 俾唔到香港自治嘅真正原因。至於永續基本法果啲,更係仆街中嘅仆街。我要求,係香港脫離中國主權控制。如果香港獨立喺防務上唔可能,我選擇係直布羅陀之路。

One thought on “柏立基 未能俾香港自治:因為中共野蠻

發表迴響

你的電子郵件位址並不會被公開。 必要欄位標記為 *