李顯龍-min

李顯龍 決定接受國會拷問

李顯龍 返到新加坡,面對歐思禮路38號危機,用咗一個最透明嘅方法去解決,7月3日佢接受國會盤問,要求人民行動黨黨鞭不約束黨員行動,公開鼓勵同要求非行動黨國會議員拷問佢同閣員,國會議員喺國會享有言論絕對免責權之下,佢接受史無前例嘅拷問。

李顯龍 同梁振英嘅分別

李顯龍一直被質疑係依靠父蔭,甚至李顯揚嘅指控係,有人想濫用ISD,依家 李顯龍 用行動話俾大家聽,佢同佢政府都唔怕,唔單只最好人民行動黨啲人盤問佢,連反對黨都最好盤埋一份,用透明度去證明,佢係清白,歐思禮路38號由李顯揚全權控制後,政府無意徵收用嚟作任何政治用途。相信7月3日 李顯龍 嘅國會聲明,以及隨即而嚟嘅國會盤問,將會係成件事高潮所在。特別李顯揚同李瑋玲醫生,會唔會搵佢地相熟嘅行動黨議員,甚至工人黨議員喺國會當眾同 李顯龍 過招,更加係關鍵,我相信係新加坡國會自獨立以嚟,最花生味濃郁嘅一次國會辯論。仲要新加坡國會嘅排陣,係抄英國下議院(包括坐梳化嘅玩法都係)。

對比起梁振英喺UGL事件嘅表現, 李顯龍 你話佢係一黨專政政客都佢,佢始終係民選國會議員,同埋新加坡始終係總體上尊重英國體制,所以佢做番晒所有西敏寺國會議員應該做嘅嘢,就係喺國會迎戰公眾質疑,呢個至係新加坡政府充分得到選民授權,以及處於強勢嘅真正理由,而唔係因為學香港班仆街土共,迷信乜嘢行政霸道,自己身有屎,就走去亂咁DQ國會議員,或者指揮國會議員做嘢,而唔係公開迎接國會議員以及公眾嘅責難同挑戰。

不論歐思禮路38號最終命運係點,我相信新加坡有望成為一個健康嘅民主國家, 李顯龍 做咗一項重大嘅決定,呢個國家面對國民嘅質疑,係靠公開有理性嘅辯論去回應,包括回應嚟自自己兄弟嘅質疑都係,而唔係靠行政霸道。當然,最終 李顯龍 過唔過到呢個政治難關,仲要睇國會議員會點問佢,以及佢點回應國會議員,但新加坡始終係一個英式國家,你估班土共同梁振英咩,瓜田李下都好都唔肯回應國會,呢條友係正一條人渣兼仆街,相信大家唔會有異議。

發表迴響

你的電子郵件位址並不會被公開。 必要欄位標記為 *