台港連線-min

台港連線 :你話港獨又如何

台港連線 搞出政治風暴,啲土共係咁話參與台灣國會關注香港連線嘅議員搞港獨,雖然台灣國會關注香港連線我無經手,但 台港連線 嘅結盟,係2009年Operation Hong Kong(我一條友單刀匹馬去自由時報借香港嚟反ECFA,協助台灣嘅戰略共同行動)嘅政治結果嚟。作為Operation Hong Kong嘅始作俑者,我只會喺度哈哈大笑。根本係膠都費時俾。

台港連線 都唔怕,因為土共扣帽子扣得太濫

土共一向扣帽子都扣得好濫吓,其實你有少少反對中共,都會被屈係港獨,既然係咁,點解唔去盡啲,真係同台灣綠營取得聯繫。所以呢次土共屈班自決派係港獨,根本係無作用,因為香港人都清楚你班土共乜都上綱上線,你咁鍾意上咪俾啲堅嘢你睇,睇你點回應。依家土共嘅回應,我只能用共產黨語言最常用嘅紙老虎嚟回應。

當然,Operation Hong Kong喺2009年開始執行,並且最終令太陽花學運開花結果,蔡英文政府上台,某程度上都係中共自己搵返嚟,中共喺CEPA玩得十分之得心應手,就想用同一招滲透台灣,即係ECFA,而馬英九喺班賣台嘅台商加持下,梗係全面擁抱中共滲透。我知道鄧小平用香港嚟做台灣示範呢樣嘢戰略無變,所以我倒轉嚟玩,將CEPA啲衰嘢一五一十講番出嚟,喺自由時報狂講香港CEPA有幾仆街,引起台灣綠營同台灣年青全面警覺,呢個係對唔同國家政治同文化深入了解同判斷嘅結果。我學台灣政治唔係跟國民黨果套,我係由綠營論述起家。用歐洲人睇政治至少睇晒鄰近所有國家嘅原則,實務做出嚟。所以呢個講緊係八至十年嘅功夫,你依家土共至暴跳如雷呀,不如呢班蠢才自己照吓鏡先。

我亦唔怕熱普城搶功,因為黃毓民一日只要唔同國民黨撇清關係,熱普城一日都唔會成功同綠營有任何連繫,而黃毓民無條件同國民黨撇甩關係,更加唔好講陳雲同埋黃洋達,所以我打Operation Hong Kong打得好放心。我好清楚,最終會係點嘅一回事。

至於李華明,呢啲匯點派嘅友仔,要投共唔該早少少,反正成個匯點系,都無剩幾多好人喺政界。孫大炮都先勾結大日本帝國,後勾結蘇聯完成佢嘅革命理想,你匯點班友收皮把。

發表迴響

你的電子郵件位址並不會被公開。 必要欄位標記為 *