倫敦大火-min

倫敦大火 我們可以汲取嘅教訓:禁咗啲危險物料先

倫敦大火 由各種證據嚟睇,都係一場人禍,當然包括英國Town Council管理嘅弊端,以及英國有啲防火法例可以有幾outdate。香港好多嘢仲係建基於英國標準,如果英國標準有落後嘅地方,香港就應該立即修正,免除後患。而 倫敦大火 反映嘅大廈外牆物料管制弊端,如果香港有可能發生,香港應該立即採取行動預防,唔好俾 倫敦大火 嘅悲劇喺香港重演。

Reynobond 嘅物料唔該ban咗PE版

呢次火災其中一個重點,係叫 Reynobond 嘅外牆物料,呢種物料可以令外牆睇落美觀,以及令房屋更「節能」,因為隔熱會隔得更好。但澳洲發生過高樓大廈致命火災,同樣係喺外牆迅速蔓延,已經令澳洲政府採取行動,ban咗 Reynobond PE嘅物料。但我睇番 Reynobond PE嘅銷售文件,居然夠薑聲稱係符合香港法律之中,對外牆物料嘅防火要求。

倫敦大火-1-min
倫敦大火-1-min

唔知香港有無大廈用 Reynobond做外牆物料,或者用Reynobond PE同一種塑膠造嘅物料,而根據《建築物(建造)規則》第39條

覆蓋層
(1)覆蓋層 ——(a)須完全以不可燃物料建造,而其厚度、強度及耐久性,以及固定和受承托的方式及次序,須能使覆蓋層長期保持穩定完整;及

而不可燃物料嘅定義係不可燃物料 (non-combustible material)指通過認可的不可燃性測試的物料;依家嚟講,香港係跟 BS 476 Part 22:1987,如果Rydon聲稱 Reynobond PE居然可以過關,即係好明顯,BS 476 係出咗問題,如果唔係點可以俾Reynobond PE呢啲咁牙煙嘅物料可以過關至得架,呢個明顯就係一個法理漏洞。香港雖然唔係太多大廈用呢類物料做外牆裝飾,但酒店、商廈同一啲「豪宅」咁搞都已經死得人多,而且果種死得人多,唔係一般嘅死得人多,如果以香港嘅高度同密度,一定比 倫敦大火 更係慘絕人寰嘅人間慘劇。

依家已經證明,香港跟嘅英國標準出咗漏洞,香港嘅議會同政府應該做嘢,否則香港人真係難住得安心。

發表迴響

你的電子郵件位址並不會被公開。 必要欄位標記為 *