李瑋玲-min

李瑋玲 擲出政治核彈

李瑋玲 一直被認為係得李光耀真傳果個人嚟,以往睇佢啲政論都信,佢政論係以條理分明著稱。但講心狠手辣,處事周密,呢次第一次見識到,可能全東亞,得另一位又係醫生出身嘅政客,台北市長柯文哲可以同佢鬥。

李瑋玲 擲出核彈手起刀落

李瑋玲 喺香港時間凌晨,將佢喺李光耀仲在生果陣,關於Oxley Road業權嘅電郵都爆晒出嚟,連邊啲部長捲入當中都爆晒出嚟,簡直係核彈嚟。相信 李瑋玲 一向做事條理分明,檔案系統良好,係可以話掟核彈就掟出街嘅原因。我相信喺劍橋讀數同電腦出身嘅李顯龍已經係勁人,但慣咗做醫生果種手起刀落,又得 李光耀果套硬朗打法真傳嘅 李瑋玲 更恐怖好多倍。依家喺 Oxley Road 業權問題上,李顯龍完全陷入被動,因為呢次係李家內戰。

大家或者會問,點解反對黨工人黨唔食花生,呢劑花生,工人黨未必敢食,因為 李瑋玲 太似李光耀,工人黨出嚟食花生,搞得唔好係 李瑋玲 騎走咗工人黨,屆時工人黨依家啲高層可能要改投人民行動黨實際啲。唔係乜嘢花生都可以食一餐,驅虎吞狼呢招,大部分情況都可以用,但對住成古思汗時代蒙古嘅S級對手,呢啲花生係唔食得。點解南宋會亡於蒙古,其實南宋仍然好強(世界嚟講,南宋係可以頂住蒙古最耐國家之一),問題係,蒙古係S級敵人,南宋聯合蒙古滅金嘅結果變成吞金滅宋,而工人黨班友唔係蠢才嚟,佢地都知 李瑋玲 唔係一般嘅人,搵佢出嚟領導反對李顯龍嘅運動,基本上係好難有任何反口嘅機會,下場就好似南宋一樣。

依家好睇李顯龍點處理呢件事,因為 李瑋玲 同李顯揚都唔係一般人嚟,李顯揚對政治興趣唔大,唔代表佢無呢個實力,李顯揚係1999年果陣SingTel CEO,爭啲同香港電訊合併成功,唔係中共夾硬嚟,迫李澤楷吞Cable & Wireless HKT,我估李澤楷唔駛咁慘,而香港電訊嘅股東都唔駛咁慘。依家有好大舊烏雲喺新加坡頭上,我個人並唔想新加坡亂,因為新加坡一亂,南洋一定亂七八糟,南洋大亂對東亞一啲好處都無,特別南洋無幾個國家係正常果陣。

One thought on “李瑋玲 擲出政治核彈

  1. 選擇新加坡就是選擇未來幾代的自由、前途和希望;選擇其他南洋國家,不是絕路也是荊棘滿途。
    新加坡共和國已經是四小龍中最正常,最有前途,最穩定,最遠離世界陸塊的一隻小龍(雖然有人也頂不住那種悶氣逃去外國)。即使台韓也不能及。新加坡有了 李資政的遺產,必能在沒有三世四世的情況下,繼續穩定發展下去,不用經過腥風血雨、地緣戰爭。新加坡避免了再殖民,再鬥爭,像俄國、烏克蘭、愛爾蘭解放後立刻自己人打自己人的內戰,餓死人的飢荒,新加坡都避免了。它接近回教國家可怕嗎?我覺得比起接近世界島,一點也不可怕。至少回教搞武力,不外那幾招式,沒有多少新招式,沒有多少機心。馬印甚至沙特怎樣發展,也搞不出核彈,搞不出可行的侵略計劃。新加坡共和國長期屹立於馬六甲而不倒,不是沒有原因的。

發表迴響

你的電子郵件位址並不會被公開。 必要欄位標記為 *