褚簡寧-min

褚簡寧 講嘢之前問問良心先

褚簡寧 今日喺南華早報發膠音,質疑要求港獨嘅人,點解唔睇自己嘅膚色先。如果 褚簡寧 係一個純中國或香港背景嘅香港人,咁我唔怪佢,畢竟大部分華裔人士,都以為血統同國籍掛鈎。但 褚簡寧 如果唔係因為南華早報派佢做駐美記者,因為J簽證(記者簽證)可以當移民簽證用,因駐喺美國五年而成為美國公民,我相信 褚簡寧 同我一樣,係BN(HK)A 1997下嘅英國公民嚟。而佢應該知道,國籍同血統唔一定掛鈎,我本身就係果個特例。

香港人 本來就係多元嘅

首先,黃皮膚唔代表一定係中國公民,如果照呢個邏輯,香港嘅韓裔人士好大件事,因為韓國人係中國嘅民族組成之一,如果將韓裔推論係中國血統,咁全香港韓裔人士有永久居民都應該有中國國籍,呢樣係黐線。同樣,俄國人亦可以推論有中國血統,而得到中國國籍,大家知道乜嘢叫內蒙古恩和俄羅斯族鄉,你就知中國血統呢樣嘢根本係黐撚線。

甚至更膠嘅事出現,無錯,華裔印尼人呢種奇怪生物,根據《中華人民共和國和印度尼西亞共和國關於雙重國籍問題的條約》,印尼出世嘅華人及其後代,可以被推論無中國國籍,亦即係我本人。我點睇膚色嚟認自己身份,喺香港政府眼中,我只不過一個揸英國護照,講流利香港語文粗口嘅印尼人,同褚簡寧係一個揸美國護照,講流利香港粗口嘅印度裔人一樣。

褚簡寧 應該問吓自己良心,有幾多幾代喺香港世代以香港為家嘅你嘅同胞,講流利香港語文,甚至你聽口音同一個香港華裔人士無分別,但因為中國嘅法西斯國籍政策,所以佢地喺一個半天吊狀態,你俾佢地British Citizen又點,佢地根本無法融入英國社會,佢地及其後代變成in the middle of nowhere。你依家 褚簡寧 叫人睇膚色決定認同,你條友為咗投共出賣自己同胞,你有資格叫人睇膚色咩?

邊度有自由,邊度係我嘅祖國,呢個至係現代文明社會嘅原則,我一直都講,中國要解決港獨問題,其中一個方法係容許BNO持有人及其後代選擇做英國人,同你中國一刀兩斷,但中國只係識迫人做中國人。呢啲黐撚線國籍政策,就係今日香港社會分歧嘅根源。依家啲中國人,就係無周恩來年代啲人嘅政治智慧。

發表迴響

你的電子郵件位址並不會被公開。 必要欄位標記為 *