進智公交-min

進智公交 袋住先可以有幾大鑊

小巴加座位講咗好耐,政府修緊例。但 進智公交 嘅CEO陳文俊袋住先,接受政府嘅19座方案,唔係20座方案。如果 進智公交 係一間revenue好大嘅公司,咁加少一個座位跌嘅錢,未必好有所謂嘅。但如果跌嘅錢係一筆有相當比例嘅大數嘅話,呢鋪就好大件事。基本上,陳文俊作為 進智公交 嘅CEO,係無袋住先嘅空間,否則佢會被啲股評人,以至分析員插到七孔流血,最終損失一定反映喺股價之上。

進智公交 嘅純利無條件袋住先

根據去年十一月 進智公交 公布嘅中期業績,由於無商譽減值撥備,所以半年除稅後盈利係1553萬港幣。以一個營運緊六十五條線嘅公司嚟講,其實除開每條線所賺嘅本來唔多。而根據林鴻達估算出嚟,單係港島三條食糊線,因為袋住先而造成嘅潛在純利損失,已經高達91萬,仲未計大埔同新界果堆線,我相信,陳文俊袋住先,令集團少咗百五萬至二百萬純利增長(因為加座位係唔會令經營成本上漲或大變,最多改裝車輛有少量嘅投資),亦即成個 進智公交 百分之十甚至二十嘅純利增長,雖然加多三個位,會令公司帳面多咗唔少純利,但如果分析員知道陳文俊袋住先,令 進智公交 損失咗呢筆應該出現嘅純利增長,我相信好多分析員實插到 進智公交 嘅高層體無完膚。

作為上市公司CEO,同家族公司嘅CEO最大唔同係,家族公司袋住先,純粹係老闆私人意願,咁係無所謂,但上市公司管理層,係有責任為公司爭取最佳利益,而分析員知道明明可以加到20,只要業界肯開聲要就得,而有人袋住先,搞到全年唔見幾百萬純利增長,不單係股東利益直接受損,仲會令投資者質疑呢間公司嘅策略能力,做上市公司,都係想散戶同基金長揸股票,咁樣至令到股價穩定,以及唔容易被狙擊手狙擊,股價亦可以穩定增長。依家,邊個同你長期揸呀。 進智公交 明明係一間cash company,有大量現金收入,因管理層嘅錯誤判斷搞成咁,你話呢。

陳文俊去做馬主,或搞波無所謂,股東只係睇一樣嘢,你嘅帳面成績。好明顯,大家好怕成個投資策略出問題。

發表迴響

你的電子郵件位址並不會被公開。 必要欄位標記為 *