黑雨-min

黑雨 TSA 天文台

雖然颱風苗柏已經登陸,但外圍雨帶帶嚟豪雨,一向已經好多人唔信颱風決定嘅市民,見到今朝嘅雨勢,竟然無 黑雨 ,都更加引發連串陰謀論,因為今日係小三TSA嘅日子,以張曉明、吳克儉同梁振英三個變態佬嚟講,點折磨香港人係好重要嘅。

黑雨 係應該嘅

首先,今日 黑雨 其實亦唔係唔合理,雨勢大到公主道水浸,好多時黑雨都未必會搞到公主道呢條主要幹線水浸,當公主道水浸果陣,其實雨勢好大機會令香港廣泛地區水浸或受山泥傾瀉威脅,香港有乜事非要大家冒險返工不可,如果話跌市,跌市就更加唔駛啟動李氏力場,等個市好番再有秩序離場係唔係好啲。所以,今天唔出 黑雨 唔係一個經濟決定,我個人相信,係政府唔想有任何理由取消TSA,影響到統監府嘅收入來源,所以明知天氣同交通亂到亂世佳人咁嘅款,都要堅持唔出 黑雨 ,只係出紅雨。如果以往唔出八號風球,係因為有人要迎合商家,依家可能更驚,政治影響天文台決定。大家睇到六四集會前後,天文台預測何其「失準」,以及天文台現任台長對梁振英嘅微言,相信梁振英係管到每一個細節,一如共產黨果啲官僚一樣,一切都為政治服務。

當然,香港各大公共交通系統無一個Open Data機制,就令情況亂上加亂,日本無暴雨警告,無八號風球,但喺東京冒風雨返工,甚至成日火車有無厘頭delay人身事故都無大問題,除咗因為日本有多元公共交通網絡外,日本係有open data,你喺JR都會知道另外一啲火車公司嘅火車線係咪正常,同delay幾多,搭車果個人可以判斷點做。有Open Data,人事部門亦唔可以借故話唔知有無真delay,所以拒絕接納員工遲早嘅理由(大家都知香港好多人事管理顧問或高層係人渣嚟,吳克儉就係呢啲人渣出身,大家明佢啲面皮邊度嚟未?)。但依家香港,連巴士嘅運行狀況,啲公共交通機構都話係私產唔肯開放,加上咁嘅天文台,真係唔亂過亂世佳人就奇。我留名睇日本首都圈國鐵暴動喺香港重演一次,等車等到火起,係可以係一個社會穩定問題嚟,只不過香港啲白痴官員唔讀歷史。

4 thoughts on “黑雨 TSA 天文台

  1. 「見到今朝嘅雨勢,竟然無黑雨 ……」
    憑肉眼就可以判斷雨勢已經或即將達到每小時70毫米或以上。

  2. 不發黑雨和TSA/BCA有關其實是一個很「離奇」的理論,有誰會相信,政府要你考的試,只是停一天課就會消失了﹖反正暑假仲未到,就算掛八號風球,要補考,話咁易。

發表迴響

你的電子郵件位址並不會被公開。 必要欄位標記為 *